254
26
12
港鐵銅鑼灣站 E 出口, 步行約3分鐘 繼續閱讀
所有分店 (4)
電話號碼
26583118
開飯介紹
餐廳環境寬敞,採用大量木傢具,感覺舒適自在。選用不同的材料配搭意粉,同時亦提供不同口味的薄餅。 繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
付款方式
Visa Master AlipayHK 支付寶 現金 AE
其他資料
網上訂座
酒精飲品
賞訂座積分
加一服務費
當面支付
有關獎賞計劃
食評 (315)
等級4 2020-04-23
521 瀏覽
疫情下,已有一個月無外出用餐,今天就外出稍微放鬆一下心情,與老公二人靜靜地共進晚餐~今期主角係牛油果~多款牛油果入饌菜式,健康有營,可惜老公不愛吃😛唔想諗,最好就係set~2人餐都有三款選擇,我揀咗$318嘅二人餐沙律、湯、小食、主食、甜品,飲品,齊晒無煩惱用電話scan QR code 自行落單,🤩食物新鮮熱辣送上~魷魚圈脆卜卜,新鮮熱騰騰之外,無油膩感,唔通用咗氣炸鍋😝😝法式洋蔥湯~濃郁香甜洋蔥味😋🥰pizza係堂食先得,即叫即焗,熱辣辣上枱,芝士凍咗就唔好食。淡淡水牛芝士味洋溢口中,Yummy😋清新沙律,配上開胃沙律醬~應該係開胃前菜,但竟然上完pizza先嚟🤣🤣雖然遲上,但之後發覺引伸好處就係refesh一下口腔....迎接之後嘅Mac and cheese😈蒜蓉鮮蝦Mac and cheese, 真係好耐無食過咁邪惡嘅食物,抵抗不了濃郁香滑芝士通粉,一啖接一啖🤩鮮蝦口感爽爽~芝士通粉creamy~~正到最後,精美甜品tiramisu, 甜度適中,淡淡朱古力同咖啡香,可以大件啲嗎?好味想encore希望疫情過去,可以全店客滿,再來狂熱一番🥳 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-15
387 瀏覽
呢度價錢相宜,單點意粉約$58-98,Pizza 約$48-128,種類算多,選擇困難,揀佢哋嘅套餐就係最佳之選喇~ 今次就揀咗呢個$368嘅二人餐 Meat & Fish Holic Set。QRcode,自助落單,好方便特濃南瓜粟米忌廉湯 Pumpkin & Corn Cream Soup南瓜味好濃,質地算滑,略嫌偏甜法式芝士洋蔥湯French Onion Soup好香,法包索個洋蔥湯,好味,推介!鮭魚凱撒沙律 Salmon Caesar Salad (half)沙律菜新鮮,鍾意有勁多芝士粉秘製炸雞 Homemade Deep-fried Chicken入味,唔乾,皮唔算好脆,但肉質算嫩,最正係無骨芝士煙肉帶子忌廉意粉 Cream Cheese Pasta with Scallop & Bacon芝士味濃,趁熱食會好味啲檸檬牛油烤原條白身魚配蘆筍 Grilled Whole Fish Fillet with Lemon Butter Sauce 醬汁酸酸甜甜,幾開胃,魚肉嫩滑,但好似唔見有蘆筍飲品揀咗凍檸茶同埋凍水果茶,其實個茶底係一樣嘅,水果茶係有一片鮮橙同埋一塊奇異果。甜品係Tiramisu 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-02
661 瀏覽
今日同朋友買完野就順便食埋晏先返歸~~呢排可能因為疫情關係,即使係午市時段,商場內既所有餐廳都好靜局,無一間係full既……朋友話想食意粉,所以我地就入左黎呢度係午市時段有套餐,平均都係70-80左右,包埋餐湯/沙律同飲品!!呢度仲可以用手機落單好方便添~~朋友要左個卡邦尼煙肉意粉$88,我就揀左個和風雞肉薄餅$78,然後再要左炸雞$38同薯角$28做小食一齊share!!!我地兩個都要左粟米南瓜湯,味道香濃~然後兩款小食先到,兩款均為炸物,但脆而不油:)當中既炸雞甚有驚喜,外脆内嫩,仲有肉汁添!!!之後既意粉同薄餅都好快黎到~~朋友將意粉免費增量1.5倍,真係好大碟!!!每條意粉都沾上混合左滑噹噹温泉蛋既creamy醬汁,yummmmm;)和風口味既pizza都相當不俗,薄餅餅底薄而不失嚼勁,材料味道配合得宜,我地都一致讚好!!跟餐既餐飲我地都揀左飲凍檸茶,爽xpp最後仲一人要左一份牛乳布甸$18做甜品添~~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-15
966 瀏覽
前幾日中午上完training course就同大隻仔朋友黎左皇室堡呢邊食野,大隻仔話想食意粉,所以我地就上左黎呢度記得呢度既水準都okk,加上價錢唔貴,所以放飯時間坐滿曬人雖然單點散嗌既價錢都唔貴,但lunch time時段有set就抵食xpp我個日要左份“蒜香白酒海蜆意粉”HKd$78+10%(係must try item入面既菜色黎架)大隻仔就要左“香草烤雞雜菌羅勒忌廉意粉”HKd$78+10%因為我地都好肚餓,所以我地仲意粉升級左1.5倍(午市時段係free upgrade架)大隻仔問我有冇信心食完個意粉之後仲食得落1/3既薄餅,因為佢想食埋呢款新出既“明太子蟹肉海鮮披薩”HKd$118+10%其實我見到個時都已經想試,依家仲有大隻仔包底,我梗係二話不說就表示ok laaaaa套餐可以揀要沙律或者湯,我地兩個都揀左要南瓜湯我地飲完香甜濃郁既南瓜湯之後,pizza都熱辣辣咁到上黎啦!!!明太子同海鲜既味道特别夾,加上pizza既批底脆薄而富筋性韌度,配料又多,我地一致表示讚好之後我地既意粉都好快黎到啦!!!加量左既意粉真係好大碟,好彩大隻仔呢個黑洞可以幫我包底姐xpp我地仲追加左一杯“牛乳布甸”HKd$18+10%同“意大利芝士餅”HKd$38+10%一齊share食埋甜品就滿足曬啦啦啦啦 繼續閱讀
(以上食評乃用戶個人意見 , 並不代表OpenRice之觀點。)
今日放工之後同朋友係銅鑼灣食意粉狂熱。間餐廳係皇室堡,都唔算難搵。裝修就用左開放式設計,餐廳同商場中間只有矮欄,空間感十足,而由於餐廳所在位置本身人流唔多,所以都唔洗太擔心私隱問題。我地叫左個 Pasta & Pizza Holic Set ($318), 個餐有湯,有沙律,有主菜,有甜品,份量十足。首先黎既係特濃南瓜粟米忌廉湯同法式芝士洋蔥湯。個南瓜湯味道偏濃,有南瓜味,而個洋蔥湯入面就有粒粒洋蔥,再加一個浸軟左既芝士麵包,味道尚可。之後有香草雞肉凱薩沙律,d菜都尚算新鮮,水準之中。前菜有意式炸魷魚圈配他他汁,個魷魚圈粉漿略嫌過厚,而魷魚亦欠彈牙,但炸出黎都脆口,配上他他汁味道還可。另外我地又叫左個蒜味芝士雞翼。個雞翼表面煎得金香脆口,食落亦有蒜香味,肉質嫩滑,屬於水準之作。主菜有蒜香白酒汁海蜆意粉。個意粉d蜆都足料,而意粉食落口蒜香味十足,但略嫌乾身,總體值得一試。另一個主菜係明太子忌廉海老披薩,個披薩熱辣辣咁上枱,食落口芝士十足,餅底薄,食多都唔會覺頸渴,值得推薦。飲品我同朋友各自叫左草莓荔枝綠茶同芒果黃香李蕉茶。d茶都有飲到好香既水果味,可以一試。最後係甜品Tiramisu, 蛋糕小小,但味道卻不俗,為成餐作一個唔錯既點綴。 繼續閱讀
(以上食評乃用戶個人意見 , 並不代表OpenRice之觀點。)