Bove x Modos (已結業)

有一日係facebook見到bove係淘大開左，襯未係好多人，經過時就試一試。呢次係我第一次食梳乎厘pancake，所以我唔知道口感應該係點。去到嘅時候無人排隊，大概有5個人左右等緊餐，我點左一個抺茶味$30，相比其他甜品店，價錢係比較平。俾錢嘅時候佢同我講等20分鐘，於是我就去左商場行一陣，到夠鐘嘅時候都仲未整好，最後係等左30分鐘。賣相不錯，店入面有兩行高枱，可以係度食埋先走。我只有揀左抹茶味，無揀流心餡。我未食過日本果d，自己麻麻地中間咁濕，覺得好似未熟晒咁，不過出面果層就好好味，抹茶味都好足，抹茶控可以試下。