翅客美食 (已結業)

我最愛嘅食物肯定係車仔麵，每星期總要有三日食車仔麵，但都無遇過一間念念不忘嘅車仔麵，如果大家有介紹，請留言講，感激不盡🙏🙏今次食嘅餐廳係位於佐敦嘅小店，入面只有大約10個座位。我揀咗全牛麵（牛肚、牛筋、牛柏葉、牛腩、牛丸）$40呢個餐都算抵，原本諗住揀三餸一麵，但都已經$40，呢個有五個餸，但都係$40（不過我唔鍾意食牛筋，所以當四個餸。）碗麵份量都好夠，配埋杯凍檸茶就剛剛好，不過湯底有啲稠，唔係我鍾意嘅類型。