淥麵 (已結業)

放工諗住喺屋企附近食埋先返去，諗起之前食過呢間外賣唔錯，今次就入去堂食~✨沙嗲五寶撈麵 - 有得自己揀5樣餸，我揀左蜂巢豆腐，招牌鮮蝦餅，牛肋條，魷魚同腐皮角，一上枱都真係幾大碟，麵底我叫左滲滲麵，即係米粉mix油麵，我覺得咁樣有口感d, 撈均食更入味😻✨脆炸韭菜餃 - 呢個真係每次必叫，外皮脆卜卜，入面熱辣辣，足料又好食~✨脆炸流心蛋 - 第一次見有炸流心蛋，真係整到脆而不油膩，仲保持到入面流心，呢樣值得加分😍✨牛三寶 - 有牛肉，牛肚同牛筋，全部都好夠淋身，亦好入味，平時買返屋企加餸都有得諗！