Nutmad (已搬遷) 新店位置

觀塘工廠區有太多餐廳，雖然數量多但有時好難搵到好餐廳。今日路過觀塘，見到呢間餐廳零負評，comment幾好就直接上咗嚟試。 餐廳裝修簡單，有個bar枱可以望到岀面景。餐廳角落有痴相，有poster，有溫馨小店嘅感覺。廚房開放式設計，但係無太大油煙味，值得一讚。 本身想叫下午茶，但見份量好似有啲小，所以同朋友決定叫午餐。我地都叫咗煙燻豬豬卡邦尼，擺盤幾靚。意大利面煙韌，每條掛滿蛋汁，又唔會因為濕而一pat咁。外加芝士脆片令食落更添口感。裹面有三款豬，豬面肉、煙腩片同煙肉，其實食落唔覺有太大分別haha，不過就令成道菜鹹鹹香香咁。總體幾full。 餐牌比較簡潔，如果有食物相會更好，浪費咗咁靚嘅食物擺盤。