123
9
2
港鐵觀塘站 A2 出口, 步行約9分鐘 繼續閱讀
電話號碼
22548268
營業時間
今日營業
11:30 - 18:00
星期一至四
11:30 - 18:00
星期五至六
11:30 - 21:00
星期日
11:30 - 18:00
*日間最後落單時間:17:00 晚餐最後落單時間:20:00
付款方式
Visa Master 現金
座位數目
30
其他資料
支持減塑 詳細介紹
電話訂座
食評 (145)
呢間餐廳第2次食啦,知道佢成日都要排隊,所以特登早少少打左電話黎留位,今日星期日12點就到左食lunch~個午餐menu好吸引,個個都想試,但諗住今晚又有大餐食,所以都係唔好食咁飽最後揀左宮保雞丁。辣椒。意大利卷粉辣野最開胃好香啊~卷粉幾得意喎,幾有咬口,卷粉上面有d炸左既蟲草花,加上少少麻辣,呢個中西合璧既意粉好味喎!幾有特色另外仲點左烤焗野菌。菠菜。意大利軟芝士香草三文治,呢個個味道酸酸地,好fresh好開胃,個飽又烘左少少,好味店員推介用iced americano 配宮保雞丁既麻辣味好match,果然係喎!咖啡味比較fruity,飲落去好舒服,店員話係佢地自家磨既咖啡豆黎架另一杯點左iced latte,呢杯好creamy,咖啡味仲濃d本來諗住唔食咁多野,但上次我食唔到甜品,今次忍唔住要試下!點左焦糖香蕉。雪糕。法式多士,呢個真係好大份法式多士新鮮熱辣,配埋雪糕超好食如果俾多球雪糕就好啦食完飽到上心口,下次都會再幫襯 繼續閱讀
(以上食評乃用戶個人意見 , 並不代表OpenRice之觀點。)
餐廳:Nutmad (觀塘)地址:觀塘觀塘道396號毅力工業中心9樓C號舖早排去咗黃到爆嘅觀塘人氣Cafe @nutmadhk 食飯💛,提早book咗個近窗邊嘅位置,可以望到觀塘工廈同裕民坊一帶嘅街景🏭,而餐廳仲要喺全男班打理,有個open kitchen比大家欣賞佢地煮嘢食果陣嘅專業同熱誠😎,相信一定吸引到一眾嘅少女去幫襯😏叫咗兩個lunch set,包埋餐湯同飲品,價錢由$78至$248不等,我地就叫咗中等價位嘅兩個主食:煙燻豬豬卡邦尼 $108慢煮雞胸·羅勒·番茄醬·意大利飯 $120飲過甘筍忌廉湯,主食就啱啱好上枱,店員仲會講解一吓食物嘅配料同埋最佳食法,對每一樣食物都幾認真👍,希望客人可以品嚐到最好味嘅一餐煙燻豬豬卡邦尼不含任何忌廉,反而選用生雞蛋同埋芝士去調配出新鮮蛋汁🥚,造成卡邦尼嘅口感,另外加上豬面肉、煙腩片、意大利煙肉同芝士脆片,意粉食落蛋香濃郁,連埋配料同芝士片一齊食就更豐富,食完有有啲黏口,有少少膩,但相信呢種味道出面比較難搵到,都值得一試🤪意大利飯由新鮮蕃茄同番茄汁煮成🍅,橙紅嘅顏色吸引鮮香,加上酸薑同羅勒葉做顏色嘅襯托🌱,望落就更搶眼,慢煮雞胸切成粒狀,經慢煮之後幼嫩唔韌,我幾鍾意❤️,擺碟仲好精美🥰佢哋仲主打精品咖啡同埋台灣原創花草茶☕️,閒時過嚟同朋友飲番杯吹下水都唔錯😽 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-07
2325 瀏覽
假日2點幾去幾乎滿座,窗口位係最多人揀,影相最靚餐廳不大,裝修簡約,開放式廚房可以見到幾位大廚為客人炮製美食的過程,食得更安心 餐牌選擇不多,相信nutmad special最值得一試!鮮蝦檸檬特色香料辣椒長通粉 $130份量不多,但誠意十足有大約7-8隻蝦同少量櫻花蝦,香料味道獨特,少辣,食到有洋蔥碎粒每條長通粉都掛到汁,配埋芝士碎好味道黃、紅甜椒絲同長通粉出奇地夾唔洗5分鐘就清左碟Nutmad Special慢煮伊比利亞黑毛豬 $188黑毛豬超新鮮,係呢世人食過最好味嘅豬扒!一切開,有肉汁同油脂流出黎外皮煎得香脆,鎖住肉汁,內裏肉質超乎想像地嫩滑淋少少特製西柚汁上去,更加帶出豬嘅鮮味配菜有薯角、豆角、紅蘿蔔邊食邊讚歎黑毛豬嘅滋味又係5分鐘內清左碟焦糖香蕉雪糕法式多士 $82必食甜品!兩片超厚toast上灑上糖霜、配焦糖香蕉、士多啤梨同雲呢拿味雪糕,賣相一流Toast蛋香味濃,口感鬆軟、似有空氣感的蛋糕雪糕用左新鮮雲呢拿整,所以會見到有黑色一點點搽少許雪糕落toast上面,加埋一片焦糖香蕉,簡直係完美溫馨提示:需要提前最少1-2日book位 繼續閱讀
(以上食評乃用戶個人意見 , 並不代表OpenRice之觀點。)
早排又去觀塘工廈覓食,呢間更係滿懷期待咁去,因為食過嘅朋友都讚不絕口。小店可供電話訂座,千祈唔好咁傻去walk-in呀。店內採用開放式廚房,可以望住廚師烹調食物,不過我地一行四人就無坐bar枱。店員嘅態度友善,早左去都畀我地提早入座,可惜其中一個主菜漏左單,搞到食完甜品又食返鹹食,撇除呢樣成餐飯都非常滿意,食物水準甚高。 🍽煙燻豬豬卡邦尼 Piggy Carbonara ($110)本身為西多士而黎,但再訪的話一定會食返呢個卡邦尼意粉!只用生雞蛋同芝士,唔落忌廉整個醬汁係成功嘅第一步,意粉亦夠彈牙,而且店家仲搞搞新意思附上鹹脆嘅芝士片。 豬肉用咗意大利煙肉、豬面肉同煙腩片,甜甜地帶濃濃嘅煙燻味,令意粉生色不少,我地一致贊成呢碟最好食。🍽慢煮伊比利亞黑毛豬西柚Sous Vide Iberico Pork Rack Grapefruit Drizzle ($188)黑毛豬鞍架好厚肉,份量唔大,面頭焦脆甜甜地,以慢煮方式烹調可鎖住肉汁,唔會太乾太柴。西柚汁酸酸甜甜幾開胃,不過就咁食舊豬已經相當唔錯,伴碟有烤薯仔片同法邊豆。🍽慢煮雞胸•羅勒•番茄醬•意大利飯 Sous Vide Chicken, Basil, Tomato Sauce, Risotto  ($120)意大利飯鋪上薑片幾特別,慢煮雞胸肉唔鞋,意大利飯可以再煙韌少少,番茄醬非常creamy,無其他菜式咁驚艷但都唔錯。🍽焦糖香蕉•雪糕•法式多士 Caramel Banana, Ice-cream, French Toast ($82)期待左好耐嘅西多士,麵包煎到金黃色上枱,質感夠鬆軟濕潤,有淡淡嘅蛋香,配雲呢拿雪糕食有冰火交融嘅感覺,香蕉上嘅焦糖燒到好脆,整體黎講唔錯,美中不足係雪糕溶得較快。☕️冰滴咖啡 Ice Drip Coffee ($48)店員介紹時話酸味會較明顯,帶微微果香。☕️鮮奶咖啡 White Coffee ($38)唔受得太酸嘅朋友建議叫返鮮奶咖啡,味道會溫和啲,可以揀skimmed milk。 繼續閱讀
(以上食評乃用戶個人意見 , 並不代表OpenRice之觀點。)
好欣賞佢呢度嘅創意,我叫咗宮保雞丁捲粉,超級有創意,佢將中式嘅宮保雞丁同西式嘅pasta融合一齊,非常之夾,個廚師仲好細心咁樣同我解釋佢嗰個設計嘅創意,話宮保雞丁最重要係有啲麻辣,所以都有加到麻辣配料,食落酸酸辣辣咁覺得佢好有誠意,因為係開放式廚房,全程都可以望住個廚師煮,即叫即整非常新鮮好食。另外仲食過黑毛豬,覺得肉汁非常正,質地又鮮嫩,佢仲用咗少少咖啡粉,作調味,覺得新奇又好夾。佢係我暫時最鍾意食嘅西餐。 繼續閱讀
(以上食評乃用戶個人意見 , 並不代表OpenRice之觀點。)