145
10
2
港鐵觀塘站 A2 出口, 步行約9分鐘 繼續閱讀
電話號碼
22548268
附加資料
最後點餐時間: 17:00
營業時間
今日營業
11:30 - 18:00
星期一至日
11:30 - 18:00
*最後點餐時間: 17:00
付款方式
Visa Master 現金
座位數目
30
其他資料
餐廳運作模式 - B類
支持減塑 詳細介紹
電話訂座
食評 (173)
好多人會認為咖啡與中餐係兩碼子既事 - 始終一講到中餐相關既飲品,除左中式茶外最多都只係紅白酒等等,而咖啡只會被人聯想到同西方文化相關。Nutmad 本身都會有自家烘焙既咖啡豆,而Nutmad大廚Joe就借今次Coffee Agenda為大家帶黎以咖啡去享受中餐呢個新嘗試。響餐室坐低後,店員就主動介紹今次一人餐室既主題菜單,雖然今次主題係以咖啡帶出中餐味道既套餐,但其實店員都理解每位客人對食物有不同喜惡,所以都特登附設散叫既價錢作參考。究竟酸苦咸甜既主題點樣利用咖啡去增強或者帶出另一種風味?相信上圖既介紹就會幫到大家更易了解! 店員都有主動去介紹佢地既理念 - 除左令每位享用既客人都有「一個人原來都可以盡興」外,就係想大家響忙碌中有個機會去放鬆自己,盡情利用咖啡既輔助去感覺更多既味道。首先第1道菜式「山楂話梅醃漬車厘茄﹑鮮淮山﹑沙律」,配肯亞手沖咖啡。鮮淮山作為清新既味道作為開始,食落去爽口,再加少少菜一齊食,健康得黎口感又舒服! 整個沙津重點在於話梅,利用話梅少少酸既汁醃響車厘茄,味道唔會太酸,感覺似香味多於酸味!至於肯亞手沖咖啡,由於肯亞既咖啡一向都以比較平實為主,果酸味唔會太濃烈情況下配以沙律,唔會有喧賓奪主既情況,反而味道上會令怕酸既朋友覺得有中和作用,但如果以小編對山楂味道還可以既話,就會令山楂味更突出!第2道菜式為「蝦膠釀苦瓜﹑蓮子芯雞高湯」,配冷泡埃塞俄比亞耶加雪夫咖啡。首先講講蓮子芯雞高湯,雖然店員直接淋於苦瓜上,未必令你可以直接品嚐到高湯既味道,但小編都嘗試將其高湯直接響舌尖上品嚐,味道清甜! 而重點係高湯可以令煎苦瓜時所帶來既油膩味完全中和,品嘗苦瓜既時候唔會有太過苦既情況。釀苦瓜方面,本身苦瓜可能已經徹底清走苦瓜籽既關係,唔算太苦;同時蝦膠係完全打爛蝦肉個種,所以會以比較黏身既狀態出現,但煎熟後,食起黎都算爽口。耶加雪夫既咖啡本身都係以花香為賣點,而冷泡咖啡既好處就可以將多層次既咖啡香味充分散發出黎,所以當就咁飲耶加雪夫個陣,你唔會只係飲到所謂既酸味或者苦味,細味之下會飲到佢地既花香味! 當你食完苦瓜後,飲1啖咖啡就可以為你帶黎先苦後甜既體驗。第3道菜式為「蔥油雞﹑黃金炸飯球」,配肯亞手沖咖啡。店員上碟後都介紹蔥油同咖啡之間會有特別既融合效果 - 當平實既肯亞咖啡加到蔥油個陣,原來會令蔥油出現種少少刺激味蕾既反應 (係咪好似花雕酒咁就唔肯定,但的確會有少少似歎酒個陣飲入口個刻既感覺)。蔥油雞係由雞脾肉為主 (抵食!),所以稍為煎香既雞肉好嫩滑而香口;而小編覺得整道菜既重點係在於黃金炸飯球! 據大廚Joe所介紹,佢既理念係將飯球炸到類似意式個種,但飯球內唔用西式既芝士而直接用中式既咸蛋黃,希望做到類似既效果。而事實上小編食完都覺得呢個想法非常配合,真係好好味。最後1道菜式為「焦糖西米布甸﹑紅豆」,配冷泡埃塞俄比亞耶加雪夫咖啡。上枱個刻大家都好驚喜係用砂煲去直接焗西米,而唔係用錫紙盤再整 (一來成本問題﹑二來用砂煲去焗需要好多空間)。當你以為利用砂煲可能會令西米布甸底部會燶個陣,食個陣完全唔覺!反而因為佢用砂煲令布甸內整體熱力都幾均,唔會話表面會凍哂而個心仲係好燙口。到呢刻,耶加雪夫咖啡既威力唔係要同西米布甸鬥甜,而係響食完甜品後,可以稍為中和一下太甜既感覺而又唔會因為咖啡苦澀而有違和感。究竟呢個「一個人原來都可以盡興」$238既套餐抵唔抵食?小編就覺得非常抵食! 基本上$238如果響一般既中西餐都未必做到4道菜,仲要包最多4杯咖啡既組合。小編都非常期待Nutmad會認真考慮將期間限定既餐單常規化,令更多既知音人都可以體驗到大廚對咖啡應用於不同食材既心。一個人,其實原來體驗食物之間既融合都可以咁盡興。 繼續閱讀
(以上食評乃用戶個人意見 , 並不代表OpenRice之觀點。)
今次已經係第二就食,仍然係覺得好驚艷,又可以望住啲廚整嘢食,又有景望下(雖然得樓景😂),而且啲嘢真心高質,仲要長期多人,前一日打來bk都未必有位你坐🤷🏻‍♀️烤焗野菌,菠菜,芝士,泰式花生沙律醬$82🥗無諗過一個沙律可以咁高質,除左菜名有嘅材料之外,仲加左蓮霧,所以整體感覺係惹味得來又好清爽。神奇嘅係,隱約中會覺得沙律入面有核桃但實質係無嘅😂煙燻豬豬卡邦尼$110🍝好正宗嘅做法:唔用忌廉,用生蛋同芝士做汁👍🏻芝士脆片薄到簡直神乎其技,成碟幾乎係藝術品😳每一條意粉都包含左蛋汁,豬面肉同煙腩片嘅味道,夠曬鹹香。such a masterpiece👌🏻👌🏻👌🏻慢煮西班牙伊比利亞黑毛豬•咖啡香料$198🍖個豬食落入味之餘係極香😌黑毛豬同香料味完全融合左,再點埋加左咖啡粉嘅香料,味道更有層次同風味👍🏻黑松露野菌燉飯$120🍄每一啖都充滿黑松露嘅香味,成個燉飯好野菌味但又唔heavy,岩曬我vege-day嗌來食😍焦糖香蕉.雪糕.法式多士$92🍞暖笠笠嘅法式多士,配焦糖香蕉同雪糕,直頭係冰火兩重奏🔥雖有多士overcooked左少少,但都無影響呢份’完滿’嘅感覺🥰 繼續閱讀
(以上食評乃用戶個人意見 , 並不代表OpenRice之觀點。)
早前朋友推介左呢間人氣cafe比我,去開觀塘終於有機會試啦!有得book枱,仲可以揀窗邊位置添!Order左人氣煙燻豬豬卡邦尼,bacon超香,煙腩片甜甜地,重點係意粉比蛋汁覆蓋住好cremy好濕潤,好有咬口超al dante!最鍾意d芝士脆片,好香好似食薯片咁中左毒,比我食晒😂慢煮西班牙伊比利亞黑毛豬,外面coat左一層薄薄嘅蜜糖,煎得好cripsy,而且肉質好爽好juicy,冇expect過咁好味!伴碟嘅啡色粉係咖啡香料,第一次試,鹹鹹地加咖啡同有d孜然嘅味,好特別好得意!點少得人氣甜品焦糖香蕉雪糕法式多士!賣相好吸晴超ig-able! 法式多士吸晒蛋漿有軟綿綿口感同時四邊皮烤得超crispy!加埋vanilla icecreme 超滿足!不愧為鎮店之寶,差唔多每枱容都order~鴛鴦走(expresson + hojicha + 奶 + 煉奶),expresso 好出,唔係太feel到焙茶味,冇茶餐廳鴛鴦濃茶底種苦澀。呢間cafe 嘅食物高質又有心思,大推薦!附上menu- 繼續閱讀
(以上食評乃用戶個人意見 , 並不代表OpenRice之觀點。)
等級1 2022-01-08
0 瀏覽
大約2:00到餐廳(有訂位)安排坐窗口位!環境乾淨!待應招呼有禮貌,主動換碟加水!每個午已跟餐湯同普通飲品,食物份量都幾大!當日叫左個特色飲品『鴛鴦走』,係‘特濃咖啡+焙茶+鮮奶+煉奶’(只有凍飲),焙茶味濃唔太甜!個人叫左『宮保雞丁長通粉』同『法式多士』已經好飽(甜品都食唔哂!) 繼續閱讀
(以上食評乃用戶個人意見 , 並不代表OpenRice之觀點。)
等級1 2022-01-02
0 瀏覽
官塘的工廈有很多美食選擇,其中必食之選是Nutmad。開放式廚房,可看到廚師們的用心制作, 每道菜式都香氣四溢, 令人垂涎。我們品嚐了馳名的煙燻豬豬卡邦尼。煙肉香口, 意粉彈牙, 芝士脆片令人停不了口,擺碟賣相很吸引。慢煮西班牙伊比利亞黑毛豬保持了肉汁鮮嫩,外層却能烤出焦香,十分美味呢!  兩人必定要留肚吃焦糖香蕉雪糕法式多士。廚師話這款面包是專門訂造的。每份都焗到外脆內軟, 雞旦味濃而不覺很膩!  5pm Last Order, 6pm 前便大滿足地吃完,  仲有好多時間回味和消化。 今次飲了美式熱啡, 不加糖奶, 略有酸味, 伴吃法式多士好夾。 我們提早訂座,到場時無須等候呢! 廚師說二月搬店擴充營業, 期待新菜式和晚市。我們會再來!  繼續閱讀
(以上食評乃用戶個人意見 , 並不代表OpenRice之觀點。)