立鮨 (安富大廈) (已結業)

第一次去到人氣壽司店立鮨，無論壽司定熟食都幾高質素，而且係正搵食熱點路德圍，值得回訪！同朋友叫左唔同壽司熟食一齊share🍣最鍾意嘅一定係大吞拿魚腩，厚切加上蔥花，油份十足但唔怕膩。另外季節精選嘅北海道寒鰤魚壽司就比較厚實，魚味濃郁，兩款有唔同享受😍日本馬糞海膽壽司夠大堆頭，海膽份量唔欺場，而且充滿鮮味。碎蔥吞拿魚腩軍艦同樣份量好多，整體來講壽司全部性價比都幾高🥰熟食一樣有質素，鰻魚櫻花蝦玉子燒既蛋漿本身已經調好味，鰻魚同櫻花蝦配搭好夠鹹香。一口安格斯串燒都好驚喜，牛肉得好香但保持肉質軟稔🤤朋鍾意食海鮮蒸蛋，滑溜而且有海鮮鮮味，啱晒冬天食！