影片
更多
2023-06-24
136 瀏覽
將軍澳站以南一帶為新興小社區，附近有各個大型商場，其中的Monterey Place澳南海岸設有Donki Donki 超市，食完飯可以行出去海濱長廊散步，更可遠眺將軍澳跨灣大橋，景色璀璨，實在不容錯過。益新美食館屹立於灣仔多年，經過跨代傳承，提供多款經典粵菜，DHYC為傳統品牌的新形象，店舖裝潢設計理念以時尚為首，致力於將年輕一輩的市場也要歸納旗下。好少見到行懷舊中菜廳路線裝修好似fine dining place，時尚潮流，走輕奢華風，酒吧格調，更有露天/室內座位，可以望到將軍澳跨灣大橋嘅景色，可以一路食住點心，一路飲紅酒。既然行得創新風格，點心廚房般的地方充滿商業機密，都唔介意比食客睇，等大家可以目睹點心部既運作，蒸籠嘅奧秘！凡事都一樣，只要用心，用可以令食物變成藝術作品。餐廳雖然行中高檔路線，但係晚市精選（18:00-21:00）嘅價錢都相當合理，$200以下都有唔少選擇，今晚我哋叫咗1號同6號。窩貼蝦多士$68 （4件），乃一道懷舊手工菜，多士香脆口，充滿油香，蝦膠部份爽彈，肉質結實，蘸上一口沙律醬，令油、甜、鹹、香更加平衡。用心製作每一個步驟，不會好似坊間一般果d食一兩件就
益新美食館屹立於灣仔多年，經過跨代傳承，提供多款經典粵菜，DHYC為傳統品牌的新形象，店舖裝潢設計理念以時尚為首，致力於將年輕一輩的市場也要歸納旗下。
好少見到行懷舊中菜廳路線裝修好似fine dining place，時尚潮流，走輕奢華風，酒吧格調，更有露天/室內座位，可以望到將軍澳跨灣大橋嘅景色，可以一路食住點心，一路飲紅酒。
既然行得創新風格，點心廚房般的地方充滿商業機密，都唔介意比食客睇，等大家可以目睹點心部既運作，蒸籠嘅奧秘！
凡事都一樣，只要用心，用可以令食物變成藝術作品。
餐廳雖然行中高檔路線，但係晚市精選（18:00-21:00）嘅價錢都相當合理，$200以下都有唔少選擇，今晚我哋叫咗1號同6號。
窩貼蝦多士$68 （4件），乃一道懷舊手工菜，多士香脆口，充滿油香，蝦膠部份爽彈，肉質結實，蘸上一口沙律醬，令油、甜、鹹、香更加平衡。用心製作每一個步驟，不會好似坊間一般果d食一兩件就溜住個口，唔想再食嗰種感覺。
小籠包$48 （3件），刀工精湛，個人認為更勝鼎泰豐，每個步驟都係師傅出心出力，用心製作，不像外界一般的流水作業。食材極新鮮，皮薄如米紙，滑如腐竹，餡料有足夠份量，豬肉肥瘦比例得宜，入面既汁量也頗多，保持熱度，乃上佳之作。
西檸煎軟雞$190，用上三黃雞，雞件會比較大隻，但係肉質依然保持鮮嫩可口。我第一次試西檸汁另上呢一種食法，感覺幾討好，每食一次點一次，盡可能減少脆漿被浸濕而淋哂嘅機會。
蟹肉大良炒鮮奶$148，為手工順德菜，食材價格不貴，為平民食材。但要將其結合成為一個優良級的大良炒鮮奶，反而功藝更勝一切，用上蟹肉、蛋白、鮮奶、蘑菇等等材料，繹出一道以奶白顏色為首的地道菜。
最後，當以以粵式甜品作結，
綠豆沙（左），清甜消暑，清心之選。
蓮蓉西米布甸（右），焦香並重，香氣撲鼻。
張貼
