時代冰室 (One Madison) (已結業)

長沙灣好少有香港人嘅茶餐廳💛💛見到蕭生喺呢邊開左時代冰室，當然要行入嚟試試啦！———————————————————————店入邊係用咗復古嘅裝修，有老香港嘅味道。佢早餐嘅選擇非常之多而且價錢亦都好大眾化，值得一提嘅係佢仲有啲扒餐係可以加$6加多個火腿通粉。所以如果你係一啲比較細食嘅人都可以同屋企人share一個餐再加多個通粉就夠晒數啦。 而且我亦留意到呢度嘅菠蘿油如果單買嘅話係比出面平好多$10就有交易😛——————————————————————-好啦講咗咁多我今次就叫咗一個時代見麵餐-蔥油雞麵配烚蛋多士，熱檸水。蔥油雞麵就係嗰一種平時食燒味飯嘅蔥油雞，如果唔鍾意太肥膩嘅人可能就唔係幾啱，但對於我來講味道就啱啱好而且雞都好滑。另外我亦都好鍾意佢有得配烚蛋，呢個係出面比較少茶餐廳有做嘅啱晒我呢啲唔鍾意食蛋黃嘅人，而多事就的確有需要改善，夠厚牛油亦夠多，但就冇做到外脆內軟啦。檸水嘅檸檬好新鮮一啲苦澀味都冇。另外媽媽就叫左個雞扒餐 ，蜜糖雞扒啖啖肉，今日咁岩因為冇晒牛角包所以轉左多士，沙律菜都新鮮。