時代冰室 (One Madison)

今日過到嚟長沙灣同親友交收，加上行程緊密未有時間食午餐，晚上又有小組聚會，所以，路過呢間「時代冰室」，趁機食番個超級下午茶餐，當喺一餐頂兩餐。「時代冰室」試過太子店而已，當時感覺喺食物唔錯，但環境麻麻，好擠逼，招呼差，近乎催客埋單。不過，今次嚟長沙灣店感覺完全相反，地方大之餘，啲卡位都舒服好多，而且，招呼我位哥仔幾有禮貌添。呢個時間嚟，目標就梗喺下午茶餐啦，一個餐牌仔睇晒，由H1到H14，平有平食，貴有貴食，最彈性喺有幾款追加項目俾多個選擇你。另外，仲有一啲特色心太軟西多士餐，鍾意食西多士，又喜歡試新嘢嘅客人就啱晒啦。此外，佢哋仲有一系到新鮮出爐嘅烘焙產品，定價都喺好似出面啲麵包鋪咁上下，就算唔晌度即場試，亦不妨外買請屋企人。餐具、調味料全部都喺放晒晌枱側嘅抽櫃中，呢種已喺茶記嘅常規設定。巨人蛋治配皇牌雞脾 $42平常茶記啲炸脾一喺配沙律，一喺配薯條，呢個配蛋治，唔喺普通蛋治，喺「巨人」份量，即喺大份啲，的確，啲炒蛋喺疊到幾厚身，可以講喺一次食咗兩個茶餐咁滯。雖然睇落件蛋治好似得半份，但用上厚身軟熟嘅方包，所以，都有一份蛋治嘅「包量」；而雞蛋估計都用上兩隻，因為咬落好厚蛋，蛋味亦幾香，當然，炒滑少少就更好啦，老實講，驚喜就無架喇，但穩穩陣陣咁啦。 隻皇牌雞脾斤兩十足，好大隻，好厚肉，拎上手就知好有份量，好墜手，但最緊要喺炸得靚仔，佢哋啲脾睇落似喺先滷後炸咁，色澤較深，炸得啱啱好，咬落外皮非常脆口，帶有焦脆感，肉質嫩滑，富肉汁，又唔油喎，更無炸燶嘅問題。嚟到茶記，熱奶茶喺必然之選，茶色睇落都對辦，而入口茶底都算得好幽香，茶奶比例亦OK，口感就未見好細滑，所以，唔算高質，又未算差，只可以講喺中中等等而已。 今次對比上次晌太子分店食午飯，感覺好好多，可能無咁多人，招呼都可以做好少少。加上今次揀咗個豐富下午茶，食得滿足，心情自然又好啲。…查看更多

這陣子天氣好寒冷，放工後即慶想打邊爐。這間餐廳滿足我即時的慾望。火鍋套餐都只係$88，平時兩個人打邊爐，自己買餸的話，其實都幾頭痕。唔夠喉還有好多配料選擇。我想食清少少，無點推介的濃蝦湯底，反而點了芫荽皮蛋湯，都好清甜。有魚又有蝦⋯⋯好滿足。…查看更多

無論時代點變，味道依然不變。這間充滿香港地道情懷的茶餐廳—時代冰室，牆上掛了許多80、90年代的港產片海報，憶起不少童年歲月。今日氣溫最低只有13度，簿身羽絨都要出動，我點了肥腸雞煲，㷫烚烚，非常惹味。選擇了醬烤香䇴口味，䶢中帶甜，雞肉肉質鮮嫩多汁，再吃一口豬大腸，好夾，價錢$88，雞件份量𣎴少，睇圖就知。雞煲配合凍檸樂，舌頭冰極一下，爽。配兩支玻璃瓶可樂，零舍多氣。雞肉食完之後，想加湯打邊爐都可以，餐廳有好多配料選擇可散叫。不過我想食清少少，不想要雞煲的精華，索性另外叫多個火鍋套餐。選了皮蛋芫荽湯，都只係$88，因為可以一次過食不同款的食物。有魚又有蝦有長州魚蛋⋯⋯好滿足。平時兩個人打邊爐，自己買餸的話，其實都幾頭痕。現在可以有很多款餸。另外加$36有8件肥牛。餐廳環境企理舒適。…查看更多

有次行過見到呢間新派茶餐廳，仲推出秋冬必食煲仔飯同打邊爐？一入餐廳見工好多懷舊嘅電影poster、燈牌做裝飾~座位以卡位為主，寬敞坐得好舒服！必食秋冬限定台式麻辣•牛三盛，一上鍋已經聞到好香麻辣味，辣度係有得揀，揀咗小辣，岩唔太食辣嘅人，牛都幾多而且好新鮮，除咗基本打邊爐嘅肥牛、鮮牛外仲有牛腩，口感軟糯酥爛！除咗個鍋仲加配咗啲火鍋料，鴨血、響鈴、蝦，仲有打邊爐必食嘅烏冬，蝦其實已經熟咗，放落鍋吸下味就食得！打邊爐外，仲要咗個三式蠟味煲仔飯~臘味都幾靚，臘腸較瘦，油香滿溢嘅滑溜口感~潤腸口感軟硬適中，臘鴨夠咸而且唔會好乾身，整體唔錯！原煲上可以焗耐啲先打打開，等佢多啲飯蕉~飲品除咗一般茶餐廳飲品，仲有經典菠蘿冰，入面啲菠蘿都幾多，同邊爐好夾！邊爐都煲仔飯一齊食感覺都好新鮮，食完成個人都暖粒粒~時代冰室🐻長沙灣青山道305號One Madison地下1B號舖…查看更多

「秋風起，食臘味！」良心茶餐廳都推出咗秋季限定既餐點！有入秋必食嘅火鍋同埋煲仔飯！今次一次過嗌齊兩款季節限定餐點！啱晒「無飯家庭」 相當抵食！🌸🌸🌸🌸🌸🌸🌸🌸🌸🌸🌸🌸🍃醉雞肥牛鍋$78包括滋補醉雞湯、八寶盒、五福臨門$78可以食飽兩個人！性價比Number one！醉雞同肥牛份量都唔少，質素對得住價錢！尤其是喺肥牛！另外仲有八寶盒有各種蔬菜粟米，五福臨門有些丸類～材料都幾齊全！🍃北菇臘腸滑雞煲仔飯$68暖粒Love 熱辣辣煲仔飯！熱氣騰騰！開蓋即刻聞到臘腸同埋北菇的香氣，撲面而來！雞肉嫩滑同北菇很襯！🍃團圓小菜＄158 三餸松草花:花膠濃湯浸時蔬綜合水果咕嚕肉四川麻婆肉燥豆腐鍋另外叫左三道小菜～ 其中綜合水果咕嚕肉以及四川麻婆肉燥豆腐鍋很是惹味～綜合水果咕嚕肉加入菠蘿🍍洋蔥蜜桃等酸甜開胃！四川麻婆肉燥豆腐鍋則帶麻辣 豆腐嫩滑不愧為拿手小菜～( ´▽｀) …查看更多

時代冰室系知名連鎖茶餐廳，不論系住宅或工商區都有佢既身影，其CP值高更是眾所周知。新派類型冰室，餐牌有好多選擇，睇左好耐先決定到食D咩。環境乾淨，D野食有番咁上下份量，水準中上，一條友諗唔到食咩可以幫襯下。台式麻辣牛三盛$118個煲一上枱已，個陣麻辣味已經湧埋黎，各款牛肉類已佔過煲起碼一半有多。由於肥牛同牛片都系薄切，過一過湯就食得。辣得黎又過癮！珍寶海鮮鍋$88整個餐只需$88，火鍋材料都好多，湯底為芫茜皮蛋湯煲出嚟，單系海鮮類就有七款！而且有長洲大魚蛋，仲有一大個蔬菜盤配埋烏冬，味道鮮甜又易入口。 一人份量有餘！龍鳳大檸樂（两支裝）加$18用大杯裝奉上，而杯底有粒話梅，又有幾衫片檸檬🍋！跟餐加18蚊，CP值高！💛由於期間限定，心動不如行動👍…查看更多

又去長沙灣食飯，今次幫襯呢間種類有好多，晚市有平民碟頭飯，高級少少有打邊爐，而今次就揀左打邊爐，揀左個台式麻辣牛三盛，個鍋來到，己經吸引眼球，擺放配料，擺到好靚，顏色鮮艷，食落麻得來有少少辣，正，配埋杯紅豆冰，辣過頭時又可解辣，最重要一人食，夠晒飽，飯都可以唔洗叫，食到個肚仔漲晒離開…查看更多

裝潢有懷舊香港的感覺，包括有燈牌、貼有舊電影海報等。主打多款冰室餐飲。泡菜辣味十足，豬肉肉質嫩滑，配上彈牙烏冬，味道一流。炒蛋火候恰到好處，瑞士雞翼非常入味，一定要配公仔麵。…查看更多

晚上約了很久沒見的朋友去冰室一聚，選了這間地點方便的餐廳，嚐嚐煲仔飯。茶餐廳是香港飲食重要的一部分，店內的裝潢展現不少香港的特色。餐廳角落卡位旁的牆是周星馳的劇照，另一邊的主牆則是霓虹光管，其句子切合店名。我們選了一個卡位坐下。三式臘味煲仔飯($68)，來到秋天少不了吃煲仔飯。這裏的煲仔飯有水準，瓦煲內的飯跟著瓦煲一起煲，而不是將煮好的飯盛在瓦煲裏，所以吃到瓦煲煲出來獨特的飯香。把豉油輕澆在飯面，加蓋焗一會，打開蓋便聞到豉油飯香和臘味香。臘腸肥瘦適中，潤腸和臘鴨讓人好下飯，煲仔飯飯粒煙韌，帶着臘味的香味。腐乳油麥菜(煲仔飯+$15)，油麥菜新鮮爽口，配上不會過鹹的腐乳，配煲仔飯十分適合。團圓小菜，$108兩個小菜。先選蝦兵蟹醬粉絲豆腐鍋(+$10)，份量極大，上桌時十分香熱，要小心豆腐燙口。底層大量粉絲，不用叫加飯也夠吃。頂層是香口蝦兵蟹醬，鋪滿整個豆腐鍋，極大量軟滑豆腐，加上其醬汁，用以拌飯或粉絲最佳。另一個小菜韭黃叉燒炒滑蛋，份量十足，韭黃滑蛋大份和軟滑，配上大量瘦叉燒，光是吃完這道菜已非常飽。豆腐鍋轉套餐(+$12)，包括一碗白飯、湯和飲品。滋補燉湯(+$20)是人蔘燉湯，湯底微鹹，帶點人蔘和肉味。凍檸檬紅茶(+$3)，厚切檸檬片，冰紅茶配燙熱煲仔飯或豆腐煲，一冷一熱，刺激味蕾。經典·菠蘿冰(+$13)，跟餐半價的飲品。菠蘿粒佔了三分一杯，用料十足，不會過甜，配煲仔飯猶如可樂觀配煲仔飯一樣合適。茶餐廳的速度，卻不失禮貌。下單不久，店員便很快把食物送到桌上，也提醒我們注意煲邊燙手。…查看更多

今日去左長沙灣行街，行行下經過間茶餐廳😉而且環境幾好😊唔會太擁擠，就入左去食下午茶☕️下午茶果然係港式茶餐廳最岩口味🤗今日叫左個雞翼蔥油公仔麵配炒蛋菠蘿包，好正…查看更多

突然與我的親愛的經過,去食午餐。「無論時代點變，味道仍然不變」吸引住我們，那裡方便就腳，望到入面地方夠大，多卡位，坐得舒服，就決定試下入到去，開頭是想火煱的，才知道晚餐才有，就叫了2道湯飯一道滑雞湯飯，仲有個酸菜魚湯飯。d雞好滑,飯又好多好滿，。酸菜魚湯飯，飯多但唔夠酸。…查看更多

秋天的天氣剛來到，我和朋友都想吃一些暖胃的東西。我們走進了這間冰室吃煲仔飯，我們選了一個滋煲北菇，臘腸滑雞的煲仔飯。整個煲仔飯來到枱面的時候都是熱烘烘的，還有蓋上蓋。能讓顧客自己把豉油加到煲仔飯，如果喜歡吃較多飯焦的朋友可以把煲仔飯先焗多一會兒，讓煲吸收飯的水份產生更多飯焦，吃起來更惹味。另外，朋友還想吃瑞士雞翼及生炸椒鹽雞髀，雞髀外皮脆口，炸後仍然有肉汁。然後，我和朋友還叫了一個咕嚕肉，個人喜歡吃咕嚕肉沒有三色椒，而且這個咕嚕肉竟然沒有紅黃綠椒，一般咕嚕肉必定有紅黃綠椒其中之一，這個蜜桃菠蘿咕嚕肉加上洋蔥，鮮味十足，而且咕嚕肉的炸粉亦不會太多，明顯是剛炸好後加上甜酸醬，讓我吃起來的時候感受一下咕嚕肉仍然是脆口的。朋友選了一杯紅豆冰，作為暢飲椰汁及紅豆分量充足，吃起來真的是冰室的味道。而我卻選了一個大檸樂，最初我不知道為什麼叫大檸樂另，但來到枱的時候基本上是一榨的檸樂，此時我頓時明白為何叫大。再者，可樂並不是使用罐裝的，而是兩瓶玻璃樽、支裝可樂，讓我喝起來十分滿足。…查看更多

秋意漸濃，都係時候啦🍂我同男朋友出發去食煲仔飯同打個邊爐啦🍲🥘時代冰室一次過滿足晒我哋既願望啊🤤一於就叫番個流心窩蛋。芫茜滑牛煲仔飯男朋友係牛肉控，梗係要叫醉雞肥牛鍋😍流心窩蛋。芫茜滑牛煲仔飯採用日本雞蛋🥚香滑鮮牛，再另外加份潤腸一打開煲蓋，香噴噴嘅飯香同牛肉配潤腸味啊🤤牛肉鮮嫩多汁，牛味香濃，日本蛋蛋味亦比較重，配上岩岩好火喉嘅飯焦同埋餡靚足料既潤腸，果然係秋天必食🍂醉雞肥牛鍋滋陰醉雞湯底，肥牛醉雞件，肥牛份量算多，醉雞入味嫩滑，而且啖啖嫩肉，非常好食🤤七彩蔬菜籃🥬樣樣火鍋蔬菜都有少少，唔會只係食肉類當中娃娃菜同羅白特別好食😋其他配菜有腸仔，響鈴都係大路既火鍋配料但不得不提既就係巨大長洲魚蛋啦，唔洗入長洲都食到，仲要係打邊爐食啊，大大粒好彈牙，仲好有魚味添😋下次可以再試吓其他時代冰室 長沙灣青山道305號One Madison地下1B號舖…查看更多

星期六趕住食個快飯，又食厭左常餐，諗起時代冰室。呢間茶記真係好多選擇，餐牌都幾個，岩哂各位選擇困難症既患者！下午茶個餐牌好抵食，但今次決定挑戰茶記酸菜魚，$50幾蚊有野飲，仲要有讚岐烏冬，嗯，一種一言難盡既感覺。$50幾蚊我仲可以要求啲咩？個湯底好淡，碗湯好大，餸冇幾多塊酸菜同魚，魚片爽口，烏冬煮太淋太細碗，食完好似冇食過野咁…欣賞佢地成日挑戰新菜式，見仲有個韓國泡菜飯，就不敢恭維，下次都係正正常常食下西多士好了……查看更多

秋風起🍂食臘味呢種天氣，最正就係食返一煲熱辣辣暖笠笠嘅煲仔飯🥘#時代冰室 開始有各式各樣靚靚煲仔飯✌️第一時間試吓·三色臘味煲仔飯有臘腸、潤腸、臘鴨，足料不在話下，臘味惹味餸飯，飯底焦而香脆，正😋·暴龍豬扒．蛋包飯 都值得推介🆕豬扒暴龍級size ，外表香脆肉質Juicy，配上秘製黑椒汁，完美配搭💯 滑脫脫蛋包飯飽肚恩物，鮮菜沙律清新之選🌱·養身湯水古早·瓜粒香菇．蟲草花鴨腿湯原隻鴨腿燉蟲草花- 滋補養身今次揀配爽滑烏冬，又有新鮮感又唔會食濟😊小食·古早．生炸原隻椒鹽雞髀大大隻黃金雞髀🍗，用古早生炸方式，表皮又香又脆，肉質依然嫩滑又Juicy，而且啖啖都充滿椒鹽的香味🥰·拉絲芝士焗薯條好香濃的芝士味🧀薯條可能炸完再焗，冇咗原本嘅香脆·跟餐特飲一律半價👏香港人梗係要飲返啲時代懷舊特飲😊·懷舊紅豆冰·經典菠蘿冰·時代黑溜冰依家仲推出咗各色珍寶火鍋🍲一人一鍋都不成問題✌️…查看更多