影片
更多
2022-11-19
78 瀏覽
網上見到有人推介呢個麻辣澳洲龍蝦雞煲，作為一個龍蝦控、雞煲控嘅我，梗係覺得非常吸引，食完海鮮雞煲仲可以打埋邊爐，合晒我心意！即刻叫埋「志同道合」嘅朋友去試吓！呢間火鍋店早午市主打點心，夜晚主打火鍋，新店開張，喺OpenRice仲見到有好多優惠！位置都唔算難搵，喺朗豪坊附近一條直路行幾分鐘就到！店內好多射燈，好光猛，氣溫有啲熱，但係冬天嚟就啱晒！店舖下層有6, 7張4人枱左右，上層設獨立房！➺➺麻辣澳洲龍蝦雞鍋$398龍蝦斬件，目測有足一斤，無斬頭斬尾，真係啖啖都係肉！走地雞肉結實、嫩滑不肥！最正係個秘製麻辣醬汁底，加入咗超多調味料：大蔥、洋蔥、月桂葉、胡椒等，辣味温和但惹味，用慢火滾熱，龍蝦同雞件嘅鮮味融入醬汁，辣得嚟又鮮鮮甜甜！➺➺美國安格斯頂級肥牛$188厚薄啱啱好，每一塊都切得好平均同完整，大大塊，雪花紋理好靚，油脂分佈平均，軟腍口感正！➺➺手包韭菜餃（4粒） $40皮薄爽滑，入面被菲菜塞得滿滿，粒粒都脹卜卜，如果鍾意食韭菜餃嘅話，呢間出品唔會令你失望！➺➺雞髀菇$28鍾意食雞髀菇皆因佢又爽又彈牙，早少少放落去滾，索晒啲汁更好味！➺➺娃娃菜$28娃娃菜已經成為咗打邊爐必點嘅蔬菜，
➺➺麻辣澳洲龍蝦雞鍋$398
龍蝦斬件，目測有足一斤，無斬頭斬尾，真係啖啖都係肉！走地雞肉結實、嫩滑不肥！最正係個秘製麻辣醬汁底，加入咗超多調味料：大蔥、洋蔥、月桂葉、胡椒等，辣味温和但惹味，用慢火滾熱，龍蝦同雞件嘅鮮味融入醬汁，辣得嚟又鮮鮮甜甜！
➺➺美國安格斯頂級肥牛$188
厚薄啱啱好，每一塊都切得好平均同完整，大大塊，雪花紋理好靚，油脂分佈平均，軟腍口感正！
➺➺手包韭菜餃（4粒） $40
皮薄爽滑，入面被菲菜塞得滿滿，粒粒都脹卜卜，如果鍾意食韭菜餃嘅話，呢間出品唔會令你失望！
➺➺雞髀菇$28
鍾意食雞髀菇皆因佢又爽又彈牙，早少少放落去滾，索晒啲汁更好味！
➺➺娃娃菜$28
娃娃菜已經成為咗打邊爐必點嘅蔬菜，呢間嘅娃娃望落去個樣好靚，已經知道好新鮮！
➺➺龍口粉絲$15
打邊爐當然想乜都食啲，唔會特別揀啲好飽嘅食材，飯同麵一般少揀，粉絲就成為咗代替品，貪佢唔會太飽，食落又爽又索味，尤其是呢個湯底咁正！
➺➺可樂/芬達$18/罐
一般火鍋店嘅汽水都係差唔多呢個價錢，除咗汽水之外仲有啤酒提供！都係打邊爐叫！
醬介$10/位，另設加一
張貼
