更多
2014-07-03
697 瀏覽
近嚟多嘢搞,都唔太想煮飯,又再做一晚「無飯」夫妻咁啦,食埋晚飯先返歸,乾手淨腳嘛。知道美心又再推出「打冷」嘢,所以,有心過嚟一試,而最近又推出一個「MX足球狂熱.玩不停」擦擦卡遊戲,單一消費食滿$48就獲擦擦卡一張。先多謝公關邀請,讓小弟參與是次宣傳活動狂熱一下。講明為個「打冷」而嚟,當然點一客「打冷」套餐,套餐分$47 / $45,前者有鹵水鴨件拼其他鹵水食材(如大腸、墨魚、紅腸或腩肉),而後者則無鹵水鴨件嘅鹵水雙拼,所有套餐己包白飯 / 潮州粥、老火湯、大豆芽、茗茶。 鹵水鴨件拼墨魚「打冷」套餐 $47 或者唔可以跟一啲城中出名嘅鹵水店相提並論,但$47咁嘅價,已相當抵食,一大碗鹵水餸料有齊鹵水鴨件、墨魚、鹵水蛋、鹵水豆腐(墊底),份量不少,鹵水幾入味,無過鹹,鴨肉頗鬆化,而墨魚又軟腍 ;拌菜嘅大豆芽亦幾爽甜,潮州粥做得唔錯,少啲米,多啲水仲有神髓;喺個老火湯(例湯?)較為一般。依家食快餐都唔平得去邊,不過,美心每晚都有個「餐餐有得慳」嘅套餐,一個飯,一杯熱飲,都只喺賣$30 。作為「慳家」一名,我都揀個「有得慳」嚟試試,不過,成日辛苦做嘢,又唔使慳得咁盡,所以,加$7.5
或者唔可以跟一啲城中出名嘅鹵水店相提並論,但$47咁嘅價,已相當抵食,一大碗鹵水餸料有齊鹵水鴨件、墨魚、鹵水蛋、鹵水豆腐(墊底),份量不少,鹵水幾入味,無過鹹,鴨肉頗鬆化,而墨魚又軟腍 ;拌菜嘅大豆芽亦幾爽甜,潮州粥做得唔錯,少啲米,多啲水仲有神髓;喺個老火湯(例湯?)較為一般。
個石鍋炒飯飯底未夠乾身,可以再做好啲,而味道都OK,幾惹味,翠玉瓜就幾多,喺嫌佢雞柳少啫 ;至於個凍紅豆奶茶又幾好飲,奶茶不俗,有茶香,而紅豆落得無手緊,十分之多,老婆就啱晒,結果,佢食紅豆,我就飲晒啲奶茶 。
題外話/補充資料:
利益申報:雖然無剔到「試食活動」一欄,但文中已表明喺公關邀請活動,再者,美心MX主打做快餐,點都唔會為小弟一個人做得特別好啲,讀者亦會自有判斷,所以,先無剔「試食活動」多此一舉啫。況且,人人口味不同,上述食文都喺隨心所發,個人食後感而已!
(以上食評乃用戶個人意見 , 並不代表OpenRice之觀點。)
張貼