美心MX (已結業) 查看

抵食鐵板@美心MX下午TEA時間~~YEAH~!!!!!!嗯，是咁的...........TEA 是重要的...........是未到放學期間的限定自由活動時間!!!!!去美心吃個TEA做LUNCH是慳家的常識吧!!!!!!!!!!黑椒牛柳 C 炒麵!!!!!!不用30蚊!!!!!!!!!!話說，做女的時候都未見過有咁平的鐵板餐!!!!!!!黑椒醬汁香濃而牛柳 C 亦不少!!!!啖啖都是惹味的黑椒香..........炒麵夠大份而且有足夠凍的奶茶配合下午要打發時間一個鐵板TEA餐簡單又wonderful!!!!!!!!!!!

今次介绍就係呢一款美心MX既早餐就係五香肉丁麵餐，個份量非常足夠炒蛋亦都夠滑仲好香，落單D侍應服務太好因為佢地會耐心解釋每一個套餐會有D咩配搭，同埋佢地會幫有需要既人去攞餐俾食客享用

響呢頭做完野, 食埋晚飯先返屋企, 一個人隨便入左美心搞掂.要左個义燒油雞飯, 油雞肉質算幾滑, 香而且唔會太肥. 义燒半肥瘦, 食落無渣, 但外表燒得唔夠香, 無咩味.仲配左幾條菜同白飯, 整體份量都足, 夠飽的.另外仲有個中湯, 冬瓜雞腳, 少少油, 但唔會太味精, 清清地都不錯.

口淡淡，去到美心入面，竟然見到個素食，正個飯全部素菜，白汁好香忌廉味，並不是一般生粉開的，配合其他蔬菜，西蘭花、紅蘿蔔、磨菇、椰菜花全部好鮮好香蔬菜味，有白汁撈埋都入味，這個飯清淡而餸份量也算多，抵食

係尖沙嘴做完野已經三點幾...飯都未食，剛巧見到美心快餐店就衝左入去喇，意境係下午茶時間，飯得返燒味...不合胃口，咁就叫左個鐵板豉椒雞球炒麵，再跟紅豆冰食物賣相唔錯窩！果然係鐵板，熱辣辣架！食落呢，麵有點乾身，不油膩，但炒麵當然寧願過乾豆好過太濕，濕的炒麵真係好難食架....雞球肉算滑，味道調得唔太咸，整體個炒麵略嫌豉椒味不足，同埋分量少左d，味道還Ok。紅豆冰好多豆，抵讚！冰唔算多，少有！

今曰晏左食飯，食下午茶當午餐。芝士肉醬熱狗： 熱狗熱辣辣，都幾大隻，大過成隻手掌，麵包十分軟熟。茄汁肉醬滿滿的鋪滿熱狗，味道甜甜地酸酸地，碎肉唔多但醬汁不錯；加埋半溶芝士，十分惹味！熱狗腸大大條，入口的腸衣很脆唔韌，腸仔充滿肉汁，令人回味。芝士肉醬配熱狗這個組合令熱狗無咁單調乏味，雖然十分邪惡但味道討人喜歡。若果加D蕃茄生菜應該會更美味。燒鴨瀨： 燒鴨香而唔羶，有肉味之餘又唔韌，雖然調味方面較淡，肉唔太入味，但肥瘦適中，皮下沒有厚厚的肥膏，仲啖啖肉，算ok；瀨粉湯底清清地,無乜油亦無乜味，瀨粉香滑，唔會碎濕濕，算是不錯！奶茶： 奶茶香滑，但只隱約有茶味，茶味未見特出，欠甘香。簡簡單單一餐醫下肚，算是不錯了。

有時為左慳錢，一餐食埋二餐，等特價下午茶餐當lunch 是窮人常識吧~美心既下午茶餐迷你叉燒飯+咖哩魚蛋都只係大約30蚊，係我既首選!!迷你叉燒飯滿滿一碗飯，一點都唔迷你唷~但飯入口比較"鞋"，飯味唔香，不過勝左份量多...總算係可以平平地醫飽個肚!!!叉燒每次既水準如一，唔會燒得好燶。叉燒塗上豐富既蜜汁，入口十分惹味!!另外咖哩魚蛋水準亦不太差，咖哩夠香夠辣，入口彈口。

其實對美心唔應該有咩期望，我都明既，話晒呢d大型連鎖餐廳，煮得落肚食得落口就係咁上下。今日晚餐粗粗地食左個雜扒餐，本身想叫西冷扒，但佢又無晒。d扒質素普普通通，勝在夠「淋」，易砌。洋蔥汁亦無乜味，只係有幾條洋蔥係面既汁。腸仔同煙肉就唔好食，腸仔既肉無味，劣質腸，好似食緊舊膠咁，肉實但無味，煙肉就又硬又咸。蘇皮湯就好普通，我寧願佢入面唔好加d咩海鮮料，依家加左又唔好食，又好似食緊膠粒咁，栗米又無汁又唔甜，唯一好既可能就係蘇皮幾脆。雖然係連鎖餐廳姐，但唔該都比d心機做好d啦，我細細個食既美心大家樂呢類連鎖餐廳都無咁差，可能依家遊客多做到點差都唔愁無人食啦，唉。

忙左成日放工已經8點幾喇...係時候又要祭o下個五臟廟call埋女友，近近地就去左屋企附近間美心MX開餐我地中西餐各叫一份由於係連鎖快餐店，所以都係諗住填飽肚，不過無期望反而有驚喜女友揀左個菠蘿咕嚕肉，套餐包左普洱茶，燉湯和飯，咕嚕肉份量十足，炸粉亦吾算厚，肉排外脆內嫩，加上醬汁酸酸甜甜，口感不俗，同酒樓相比絕不輸蝕至於我既什扒餐都吾錯，豬扒嚼勁多汁，肉質亦尚算細嫩，另外，司華力腸和肋骨都十分香口，只是略嫌多油，粟米粒粒清甜飽滿，至於酥皮海鮮湯，酥皮表層香脆，加上濃濃的白菌味道，忌廉幼滑，口感鮮甜

美心的早餐份量大家都知係比較少，但唔緊要，自己知道將貨就價，唔係貴就算數啦！不過今次真係太差囉，所以要寫一寫。以下是本人的早餐：我見到個滑蛋已經很反感，睇落好似好大，其實要用匙羹食的。我覺得自己是叫炒蛋，為什麼好似焗熟就算呢？個蛋一點味道都沒有，本想加鹽，但怕搶去牛乳味就算啦，但最後發覺根本沒有牛乳味。蘿蔔糕最過份，食水蛋+沒有煎過的腸仔都算，那蘿蔔糕細得這樣子，我覺得這個餐很貴囉（理論上我這個餐是最便宜的了）。

睇住餐牌真系唔知食乜好...最後覺得滷水好似穩穩陣陣，應該唔會中伏。一開始攞到手覺得佢放個位放得好奇怪，杯雪碧居然放中間？個菜份量都幾多，開心。大腸比其他餐廳多，但肥膏同時都多。墨魚正正常常，幾好食。但！！！！個豆腐一ｄ都唔滑，食左一啖吾想食。芽菜，鹹得黎勁奇怪，好似臭左咁，之後原封不動。但我覺得呢個已經比其他好了！

近嚟多嘢搞，都唔太想煮飯，又再做一晚「無飯」夫妻咁啦，食埋晚飯先返歸，乾手淨腳嘛。知道美心又再推出「打冷」嘢，所以，有心過嚟一試，而最近又推出一個「MX足球狂熱．玩不停」擦擦卡遊戲，單一消費食滿$48就獲擦擦卡一張。先多謝公關邀請，讓小弟參與是次宣傳活動狂熱一下。講明為個「打冷」而嚟，當然點一客「打冷」套餐，套餐分$47 / $45，前者有鹵水鴨件拼其他鹵水食材（如大腸、墨魚、紅腸或腩肉），而後者則無鹵水鴨件嘅鹵水雙拼，所有套餐己包白飯 / 潮州粥、老火湯、大豆芽、茗茶。 鹵水鴨件拼墨魚「打冷」套餐 $47 或者唔可以跟一啲城中出名嘅鹵水店相提並論，但$47咁嘅價，已相當抵食，一大碗鹵水餸料有齊鹵水鴨件、墨魚、鹵水蛋、鹵水豆腐（墊底），份量不少，鹵水幾入味，無過鹹，鴨肉頗鬆化，而墨魚又軟腍 ；拌菜嘅大豆芽亦幾爽甜，潮州粥做得唔錯，少啲米，多啲水仲有神髓；喺個老火湯（例湯？）較為一般。依家食快餐都唔平得去邊，不過，美心每晚都有個「餐餐有得慳」嘅套餐，一個飯，一杯熱飲，都只喺賣$30 。作為「慳家」一名，我都揀個「有得慳」嚟試試，不過，成日辛苦做嘢，又唔使慳得咁盡，所以，加$7.5

在快餐店內吃菜膽雞還是首次, 那天看完恐龍展後便徒步走到來。如無記錯, 一個套餐包括菜膽雞、白飯、例湯、蠔油生菜, 價錢是$4X (老麥包餐加大都要$40啦~)味道唔講, 價錢都叫接受到...有個火爐仔慶住盤砂鍋雞, 小心 ... 吃時也不能嘆慢板, 因為好易燒燶雞!燒味師傅當收到單後, 便把那盤預早準備的芥菜膽、白切雞淋上杰如漿糊的透明獻汁...白切雞的雞味比較淡, 汁未滾起時都吃到滑皮嫩肉的雞件, 後來就當然是越滾越嚡肉...芥菜膽味道不苦澀, 粗身兼腍甜。蠔油生菜只是簡單燙至稍軟, 撈起瀝乾, 最後蠔油淋在燙好的生菜上即可。例湯煲得夠味, 湯料全腍, 有肉的湯依舊是最好喝!!!

某天到mx 食下午茶最近呢期與食鐵板炒面見到人地食, 賣相都幾ok ,就整一個試下然後有少少大食, 一個都唔夠, 仲要加多個米粉先講熱度, 真係唔錯, 鐵板夠熱, 值80分汁料味道較濃, 都幾好食, 有洋蔥有一點要提醒的是 有時係配豬肉絲, 有時係配牛肉絲睇下果日係出邊款另一樣好既就係配一杯大汽水,  岩哂鐘意飲野既同學仔另外, 面既軟硬度適中, 口感唔錯但係覺得埋單$26.5 + 6 米粉太貴了本身個鐵板面就山經$26.5 , 真係貴左少少, 因為其實佢個份量唔係好大架咋綜合來說,如果可以平番去$24  就岩哂, 除非份量大dd  la

早上的免費報紙, 三日唔埋兩日都有美心優惠劵, 我都儲了不少~但用又用得幾多張呢?今日同同事決定善用優惠, 吃了個港式早餐. 雞扒煎蛋蘿蔔糕配熱好立克 雞扒太乾身, 燒汁有點咸. 也越來越細件了. 煎蛋有兩隻, 半生熟蛋黃加上焦邊蛋白, 一絕! 今次選蘿蔔糕, 好味道! 不過雞扒味道偏咸, 可能下次選回淡味的厚多士. 好立克未攪勻是餐廳界人知常情. 熱到辣手, 都不錯~+ $4 火腿通粉如果不加通粉就算減肥都不夠吃~ 火腿通已經由加3變成加4.通粉比上一次硬身, 正正確常. 火腿絲也很多, 有火腿味.湯底也有味道, 不是清水.整個餐要$30, 減了2蚊變成$28都覺得好貴, 不會常常吃~