影片
更多
2023-05-07
55 瀏覽
媽媽中意飲茶，見到網上介紹呢間餐廳嘅點心係自家製，仲要即叫即整，於是放工就帶媽媽嚟試吓。去到六點幾未到七點，都已經坐咗唔少客人，睇嚟都幾受歡迎。店員都幾好客，同佢傾談之間，知道原來點心師傅經驗豐富，喺香港做過多間米芝蓮酒店同大型連鎖酒樓，之前仲喺日本東京服務高管達人同明星多年，相信食物質素有一定嘅水準。食物款式方面，除咗有主打嘅點心之外，仲有燉湯、蒸飯同鑊氣小菜等等，食物幾多元化。黑蒜螺片燉唐排湯($48)淨係睇湯嘅顏色都知道幾足料，唐排燉得幾腍，飲到黑蒜香甜味道，順喉滋潤👅月半彎晶瑩鮮蝦餃($42/4粒)蝦餃大粒，餃皮煙韌，蝦肉大大隻，鮮味爽口👄黑松露北菇燒賣王($38/4粒)燒賣都大大粒，豬肉同蝦爽口彈牙，食到微微既黑松露味~四寶滑雞扎($39)雞肉嫩滑，芋頭質感比較紮實，個人最中意魚肚同腐皮索哂d湯汁，而且魚肚爽滑👐🏻百花炸釀蟹鉗($62/3隻)蟹鉗大大隻，炸到金黃色，外皮香脆👄裏面足料爽彈，點埋酸酸甜甜嘅沙律醬，唔會油膩。XO醬炒自家製腸粉($68)雖然望落去淺色，但係原來食落XO醬味道幾出，而且腸粉外皮煎得外脆內軟，配埋韭黃同爽甜嘅芽菜一齊炒，口感更豐富。黃金焗中蝦($168
去到六點幾未到七點，都已經坐咗唔少客人，睇嚟都幾受歡迎。店員都幾好客，同佢傾談之間，知道原來點心師傅經驗豐富，喺香港做過多間米芝蓮酒店同大型連鎖酒樓，之前仲喺日本東京服務高管達人同明星多年，相信食物質素有一定嘅水準。
食物款式方面，除咗有主打嘅點心之外，仲有燉湯、蒸飯同鑊氣小菜等等，食物幾多元化。
黑蒜螺片燉唐排湯($48)
淨係睇湯嘅顏色都知道幾足料，唐排燉得幾腍，飲到黑蒜香甜味道，順喉滋潤👅
月半彎晶瑩鮮蝦餃($42/4粒)
蝦餃大粒，餃皮煙韌，蝦肉大大隻，鮮味爽口👄
黑松露北菇燒賣王($38/4粒)
燒賣都大大粒，豬肉同蝦爽口彈牙，食到微微既黑松露味~
四寶滑雞扎($39)
雞肉嫩滑，芋頭質感比較紮實，個人最中意魚肚同腐皮索哂d湯汁，而且魚肚爽滑👐🏻
百花炸釀蟹鉗($62/3隻)
蟹鉗大大隻，炸到金黃色，外皮香脆👄裏面足料爽彈，點埋酸酸甜甜嘅沙律醬，唔會油膩。
XO醬炒自家製腸粉($68)
雖然望落去淺色，但係原來食落XO醬味道幾出，而且腸粉外皮煎得外脆內軟，配埋韭黃同爽甜嘅芽菜一齊炒，口感更豐富。
黃金焗中蝦($168)
蝦係連殼既，肉質都爽口，幾新鮮，每一隻蝦都沾上滿滿嘅鹹蛋黃，蛋黃味道濃郁惹味，送飯一流👄
凍傳統芝麻糕($32)
有濃郁嘅芝麻香，口感爽滑，凍食幾清爽👅
張貼
