影片
更多
2019-05-28
35 瀏覽
打邊爐係唔會分季節架, 一年365日都好適合打邊爐今日係銅鑼灣行完街, 就決定係返銅鑼灣搵野食今次就搵到老沸爺火鍋, 個名好有氣勢!!上到去餐廳, 個裝修都幾靚, 似古代既茶樓磚牆加木製餐桌同凳, 仲有埋蓮花燈, 加埋印左龍圖案既餐具我地真係好似返左古代咁老沸爺提供既係火鍋放題, 有$288同$188既套餐分別在於$288可以揀老火湯底以及多左海鮮拼盤同埋幾種唔同既食材仲可以免費轉鴛鴦湯底餐廳設有自助調味區, 餐前小食區, 蔬果區及飲品區小食有涼伴既青瓜, 木耳, 炸黃豆, 炸薯角, 竟然有炸芋條炸芋條真係要試下, 將芋頭切成絲拎去炸, 甜甜地口感好似食緊薯條咁調好哂醬料同攞完野飲之後, 個鍋底就到啦麻辣鴨血鍋拼海底椰百合響螺頭龍骨湯, 個海底椰湯係原盅燉完拎出黎架真係足料燉湯黎, 個湯好甜好好飲首先黎既食物係海鮮拼盤同埋$288套餐先有既食材拼盤用黎裝拼盤果個碟有好奢華既感覺食物既選擇都幾多, 連蟲草花都有, 仲有花雕雞子呀, 雞子大大粒比較特別既食材有鴨腸同埋川式臘腸, 2款係出面都好少見, 味道唔錯, 值得一試老沸爺既手打墨魚丸都幾好食, 又係必試食物食完就緊係要食返個甜品, 甜
今日係銅鑼灣行完街, 就決定係返銅鑼灣搵野食
今次就搵到老沸爺火鍋, 個名好有氣勢!!
上到去餐廳, 個裝修都幾靚, 似古代既茶樓
磚牆加木製餐桌同凳, 仲有埋蓮花燈, 加埋印左龍圖案既餐具
我地真係好似返左古代咁
老沸爺提供既係火鍋放題, 有$288同$188既套餐
分別在於$288可以揀老火湯底以及多左海鮮拼盤同埋幾種唔同既食材
仲可以免費轉鴛鴦湯底
餐廳設有自助調味區, 餐前小食區, 蔬果區及飲品區
小食有涼伴既青瓜, 木耳, 炸黃豆, 炸薯角, 竟然有炸芋條
炸芋條真係要試下, 將芋頭切成絲拎去炸, 甜甜地口感好似食緊薯條咁
調好哂醬料同攞完野飲之後, 個鍋底就到啦
麻辣鴨血鍋拼海底椰百合響螺頭龍骨湯, 個海底椰湯係原盅燉完拎出黎架
真係足料燉湯黎, 個湯好甜好好飲
首先黎既食物係海鮮拼盤同埋$288套餐先有既食材拼盤
用黎裝拼盤果個碟有好奢華既感覺
食物既選擇都幾多, 連蟲草花都有, 仲有花雕雞子呀, 雞子大大粒
比較特別既食材有鴨腸同埋川式臘腸, 2款係出面都好少見, 味道唔錯, 值得一試
老沸爺既手打墨魚丸都幾好食, 又係必試食物
食完就緊係要食返個甜品, 甜品有紅糖糍杷同埋冰粉
我地叫左冰粉, 加入左提子乾, 西瓜粒, 涼浸浸幾好味
老沸爺用料都好新鮮, 選擇又多, 物有所值呀!
張貼
