越南Fûhn (已結業)

九龍灣啟業市場係新派冷氣街市+餐飲小舖，有好多野食😬 「Fûhn Express」係越店小店，主要食湯粉、撈檬、飯，亦都有越式飲品提供。老闆好親民，價錢相當貼地，分量好大方，性價比高，最重要係味道唔錯啊🥳。金邊火車頭($68)••••••湯粉類嘅皇牌火車頭金邊粉🤩材料好豐富，有生牛肉、牛腩、牛丸、牛栢葉。湯頭濃帶點鮮甜😋，唔會死咸，都唔覺有味精，食完唔口渴。金邊粉幼身，滑溜掛湯能力高☺️好正。牛肉即肥牛，唔會好肥，又唔韌👍🏻。牛腩用上牛坑腩，非常軟腍，驚喜係好有牛味喎！🤤牛丸正常，私心希望牛栢葉切得大件啲，口感更好。香茅豬扒撈檬($45)••••••豬扒好巨型😍炸得好香脆！檬粉汁帶酸辣，夏天食一流😚配菜仲有酸紅白蘿蔔、青瓜、葱油，好味！自家製蝦餅($58)••••••未見咁足料嘅蝦餅🤪一粒粒超明顯嘅蝦肉，有相為證😂新鮮熱辣炸起，上枱好香口。小食拼盤••••••老闆主動建議人少，可以做個小食拼盤😍緊係好啦！樣樣都食到，有雞翼、春卷、扎肉、同類似豬面青口感嘅肉，俾左兩個醬汁，一個泰式辣醬，一個係招牌咖哩，咖哩有驚喜喎！好香微辣，好味到小編連豬扒都點咖哩汁🤭。