憶食尚臘味煲仔飯

營業中

休息中

煲仔飯🥘🍚♨️ @ 佐敦今日食呢間飯店係我朋友推介的，放工後同朋友去到佐敦憶食尚食晚餐，侍應非常之友善，喺佢嘅推薦下，我哋選咗甜蜜咕嚕肉、芥菜排骨煲及川味臘腸滑雞煲仔飯。個咕嚕肉令我地好有驚喜，通常外面的食店會將咕嚕肉一早炸好，引致肉質比較硬，但呢間食店嘅咕嚕肉係即刻整的，啲肉質肥瘦適中，香脆鬆化又入味，餸飯一流。芥菜排骨煲入面放有一啲黃豆，啲排骨完全不是煲到琳而冇味，佢係煲得湯有味，排骨仲係有肉味又爽口，食得非常舒服。個川味臘腸滑雞煲仔飯係個侍應話一定唔好錯過的。首先，佢嘅宣傳單張都話雞肉扎實有彈性、嫩滑而雞皮脆口，雞肉食落真係好嫩滑。而佢嘅川味臘係由300天散養土黑豬整成的，因此豬肉味好香濃，又有啲八角加入去，連同53度嘅芧台酒醃製，肉質香濃，再加上飯粒煙韌，淋上佢特製嘅醬汁，一啲都唔糊口，非常滋味，令到我地食得好開心，好幸福。我哋都覺得佢嘅川味臘腸好好味，於是我哋就買了幾盒川味臘腸諗住送比家人朋友試吓。下次再試吓佢其他的臘味食物。