雲川 米線．紅薯粉 (盈豐商場)

營業中

休息中

身為屯門友，已經一直仰慕屯門無人不曉嘅呢間雲南米線舖多時，呢日心思思決定專程黎拜會呢間傳說中嘅神級米線舖。叫左碗經典小鍋酸辣米線，加配豬頸肉，不消一會就送上黎，湯底熱辣辣，散發出酸酸嘅香料味，令人食指大動。一入口簡直令人震懾，酸辣味加上鮮甜嘅秘製肉汁混埋一齊，配上最愛嘅酸菜、莞茜，味道極為豐富濃郁。配上香口嘅豬頸肉，簡直係停唔到口，連湯都想飲埋。呢間舖係紅橋個邊開左間分店，但分店質素較為遜色，味道不及主店。