雲川 米線．紅薯粉 (盈豐商場)

每隔兩個星期我都會想起你～～就係雲川米線，仲要喺放工由中環搭車黎屯門盈豐食😋入到黎都差唔多20:30 ，呢個時間平日都比較多人食。今次叫左炸花枝丸小食，無食呢個花枝小食好耐，原來依家已經炸得咁靚，另外配埋個甜酸醬超開胃呀。今次朋友點左麻辣湯底，個湯底好濃郁，最緊要係啲豬頸肉份量真係好多～而我照舊點酸辣湯中辣薯粉，豬頸肉同蘿蔔，有有四舊大大舊既蘿蔔，超甜勁多蘿蔔汁～～湯底又夠濃郁，食幾多次都唔厭，另外呢到既檸檬茶好大杯，要冰少冰但又唔會只係俾一半份量，係俾足既～所以加$3都抵加…查看更多

自取外賣一碗豬頸肉魚湯米線，一打開，嘩！碗嘢好似俾人食過咁款，$54得果幾條豬頸肉，可憐到呢～加埋都唔知有冇半塊豬頸肉㖭啊。啲米線少到哭出來，可以媲美兒童餐嘅份量。平心而論味道唔係好差，係味精味重咗少少。不過講到份量的確過分左，唔係少少😏附近同區米線店，平過佢，大碗過佢，足料過佢，味道都好過佢，食譚仔都冇咁嬲～講真！以前食過呢間嘢，正常份量，依家少得太過分！咁嘅價錢，咁嘅份量，仲話係屯門名物！真係得啖笑！…查看更多

見證佢由一間分店到宜家開左幾間分店愈黎愈受歡迎差唔多個個星期都會食個每個餐都包一款餸同一杯野飲，好抵食今日叫左個韭菜雲吞小酸辣米線🍜雲吞十分足料，粒粒都大大隻酸辣湯底濃郁，十分開胃，而且配料份量唔少不過繁忙時間就會坐得逼少少…查看更多

🍜🥢🥣屯門名物·米線🔔qr code落單✅秘製豬頸肉 -$40呢個真係必叫！份量好多，剪開左一條條，全部都好香脆，好好味，我哋六個人分每人都食到吾少。✅脆皮花枝丸（六粒）- $28花枝丸大大粒，同樣炸得好香脆，已經界咗花，所以炸得好靚。✅酸麻金湯·米線 -$48$48包一餸，我揀咗腐皮蝦卷，一份有四條，唔算好大條，但係味道都唔錯，朋友叫嘅韭菜雲吞就只有三粒，試左粒但味道比較普通。配料嘅選擇有好多，但如果加餸嘅話一份要加$10，感覺加錢叫小食會比較抵。講返個湯底都真係幾好味，叫咗小辣，真係酸、麻、辣都食到，幾惹味。吾食辣的朋友叫嘅鮮魚湯就相對清淡。呢個一餸米線會包埋飲品，熱飲唔使加錢，凍飲要加$3，飲左西洋菜蜜，味道ok。…查看更多

今日試咗豬頸肉•醬爆魚丸•金湯酸辣薯粉，真係好好味！首先，豬頸肉煮得剛剛好，肉質嫩滑，醬汁入味，口感非常好。魚丸彈牙，啲饀幾特別，味道更加出色，真係唔會失望。至於酸辣薯粉，味道酸酸辣辣，搭配啲酸菜韮菜，色香味俱全，食落去唔單止刺激味蕾，仲有一種清新感。整體嚟講呢道菜平衡得好好，就咁一個人快食都好適合。如果鍾意重口味嘅朋友，可以考慮揀辣度大啲嘅湯，我唔係好食得辣覺得小辣都係一般辣，如果你本身食勁辣可以大膽啲，會更加過癮！…查看更多