滾爺火鍋 (上海街)

營業中

休息中

天氣涼涼哋，約咗朋友去打邊爐， 《滾爺火鍋》，叫咗招牌椰子雞鍋（半隻雞）$248。果然有驚喜，材料十足，包括（有兩個椰皇＋兩個椰青＋椰子乾＋馬蹄）， 店員教我哋首先將湯料同雞件大滾，之後熄火，再焗5分鐘，咁雞件就超嫩滑， 椰子雞超香勁滑，雞味十足，椰子雞湯亦相當清甜，好食！ 我哋仲叫咗其他火鍋配料，包括有👇美國安格斯板眼$188手包西洋菜餃 4粒$40讚歧烏冬$28皇帝菜$38鬼馬雙星（百花釀油條）$78特別－提就係鬼馬雙星，真係幾鬼馬，雙重口感，外層脆卜卜， 真係外酥內嫩，值得－試！ 最後叫咗個烏冬、烏冬吸收晒湯嘅精華，正喎！