牛品台式火鍋

營業中

休息中

十點先睇Deadpool,去訂左六點兩位食牛品。平時都有去食，因為公司附近有但未食過晚市，今次揀左315既餐。尖咀牛品地方好濶落，兩人台好舒服，叫左蕃茄湯底。開波點牛肉，每次最多十份，分開再點都得，牛肉係真心靚既，唔會肥到死，保持都品質，比較差既係和牛粒，真係好細粒，口感唔太好，澳洲M9，美肩，牛小排肉質都好好，基本每份都ok。菜類 丸類 甜品都自助，最喜歡係響鈴卷，又厚又香，丸類都很多，幾款都好好食。甜品有粉冰機可以玩玩，台式甜品都好好，除左肉類，同午市基本完全一樣。尖沙咀黎講性價比完全冇問題，而且味道和品質真係好。另外有兩杯台式茶送，但當晚人多，樓下間店做唔切，我杯珍珠奶茶既珠未熟，一半硬心，互相理解，但必須改善。