吉士咖啡店 (已結業)

長洲有好多間Cafe都好高質，今次嚟到係中興新街23號地舖既吉士咖啡店一試佢哋嘅🍞🍞嗯～果然冇令我失望😻😻牛油果煙三文魚芝士滑蛋吐司牛油果🥑同煙三文魚超級夾！加埋個滑蛋簡直冇得頂👍吐司好厚身，同埋有輕焗過。吐司皮燶燶哋超級鍾意食😹一咬開仲拉埋絲添🧀🧀味道豐富多樣🤩🤩😻皇牌芝士豬柳滑蛋吐司另外叫咗芝士豬柳味嘅，果然係王牌啊😹芝士豬柳好大塊，煎得好香😻配埋滑蛋一齊食，超級滿足食到好飽😹😹吐司全部即叫即整 熱辣辣的🫶🏻值得俾啲時間等一等😼值得一提，員工好好人，唔怕羞嘅我哋仲同佢哋吹咗一陣水😹