Burgeroom (美麗華廣場1期) (已結業)

之前食過burgeroom 嘅大烤菇芝士牛肉漢堡，一試難忘，今日帶埋老婆嚟返尋味閒日晚上嚟到見到好多人坐出面啲位飲酒食薯條，餐廳喺正諾士佛臺隔離，都幾chill～全日唔收加一，meun除咗有常見嘅牛、魚、雞，連帶子、吉列蠔同鵝肝漢堡都有。大烤菇鱈魚柳漢堡　$110大烤菇系列真係冇得輸，呢度嘅大烤菇真係處理得好好，表面乾身唔出水，但一咬落去就非常juicy多汁，菇味濃郁鱈魚柳都好有驚喜，外層炸漿又薄又脆，魚肉肉質嫩滑新鮮，好好食。麵包烘得好夠鬆脆，重帶幾分甜味，淨食包皮都好食喎芝士蛋牛肉漢堡　$108牛肉漢堡牛味濃郁、肉汁豐富，煎得啱啱好個包好大好厚身，層蛋厚到好似落咗兩隻蛋咁，女士食起上嚟會有啲狼狽，但啖啖肉真係好豐富好滿足。鱈魚手指配他他醬 $55鱈魚柳新鮮炸起，熱辣辣又香脆，真係做到外脆內嫩。旋風薯條　$30調味好夠，唔洗點茄汁都好食，而且食到最底都重好夠脆。