WAKARAN

營業中

休息中

餐廳啲牆上掛住好型格嘅畫作，睇完畫作旁邊嘅介紹，先知原來都係由人工智能整出嚟嘅！啲菜式好有創意，融合咗唔同地方嘅煮法，單單睇菜名都唔係好明，幸好有個侍應主動解釋，揀嘢就容易啲。前菜真係驚喜，特別係個雞肝pancake，加埋栗子同白珍甜醋調味，香濃有趣；牛肉他他搭配咗大塊米餅，啲米餅感覺太多，可以少啲啦；帶子他他用北海道帶子刺身，好鮮嫩，配埋青提子同青瓜醬汁，不過醬汁味道有啲濃，個人麻麻好大陣青瓜味。牛骨髓同平時食嗰啲唔同，火腿味道重啲。Maki taco混合咗日式卷物同墨西哥薄餅，加埋和牛、海膽同帶子，各有特色。到主菜，特別係風乾熟成嘅原條馬友，皮烤得好脆，肉質又油潤，加埋三文魚同馬友嘅醬汁，味道好正。煙燻乳鴿肉係粉紅色，好嫩滑多汁，隻碟仲保持熱度，真係要試！最後試咗個薑汁「湯圓」作甜品，入口即爆開，釋放出暖暖嘅湯汁，食落去有種飲湯嘅感覺，好有趣又好味！