Fûhn (The L. Square) (已結業)

朋友約我到銅鑼灣食午餐，佢之前食過The L.Square 樓上有間北美風味越南餐廳熬製嘅牛骨湯底好味又有水準，今日終於有機會一嘗滋味特色牛湯粉午市套餐$99，呢碗粉足料又大碗，安格斯牛肉～肉質嫩滑味濃厚，手打牛丸夠彈牙，牛筋片炆得好軟腍，牛坑腩片、牛腩邊及牛柏葉份量都幾多，金邊粉吸收晒牛骨湯底嘅精華，香甜味美+$15 越式滴漏咖啡，咖啡香味濃郁純厚，少少苦澀帶回甘味香茅豬扒飯午市套餐$69，豬扒肉質鬆軟，仲有一隻太陽蛋+$32 牛油果奶昔，入口香綿軟滑好香牛油果味奧爾良雞翼$65，雞翼炸得好香脆配埋酸蘿蔔越食越惹味蒜蓉油炒小椰菜$78，椰菜苖鮮嫩翠綠，炒得夠晒鑊氣