燒魂 (已結業)

今晚同兩位大食之人食燒肉放題，好開心牙！環境唔錯，爐邊位都好乾淨。坐底後打開放餐紙嘅寶盒，瘋狂劃左一輪食物。呢盤牛肉標籤左每款牛肉嘅名，擺放得好靚！仲靚過刺身拼盤。友人好細心燒好每塊肉，配上醬料，味道唔錯！但要小心燒嘅時候會搶火，因為牛油滴左落個爐度。當中都係最鍾意薄切牛舌，非常惹味！另外有比較特別嘅奇異汁牛肋肉，身為奇異果控要試試。熊本一口和牛賣相別緻，入口都好香。刺身特別喜歡象拔蚌，好爽脆。呢間放題仲有海鮮供應，好抵食！有蠔，海蝦，螺等等，蜆肉甜美多汁。另外仲叫左一系列熟食，好喜歡洋蔥湯個味，好正，另外有碗牛根湯都唔錯。壽司方面最好食係炙燒左口魚裙邊，入口細膩香滑。雞翼已被切開一半，燒嘅時候會較易熟。