億饍 (已結業)

今日同朋友去旺角行街,行到夜晚好肚餓，之後個朋友想食越南野,行過見到呢間億饍就上左去食。原個椰青焗海鮮飯:椰子味好rich又好足料,而且冇諗過佢會送埋番杯椰青水比你飲,抵食性價比高!牛油芝士焗開邊龍蝦:隻龍蝦好彈牙而且食得出好新鮮,芝士鋪滿哂成隻龍蝦。串燒沙嗲豬肉及串燒安格斯牛肉:豬肉同牛肉都好新鮮,個串燒沙嗲豬肉同串燒安格斯牛肉唔會燒到好老,口感岩岩好。泰式生蝦刺身:個生蝦刺身好厚肉又夠新鮮,同個辣醬好夾。Moscow Mule Mocktail:呢杯特飲係有青檸果汁、薑啤加梭打水。味道好夾而且唔會太甜,飲完之後會有開胃的感覺。總括黎講我地都覺得億饍質素有保證,食材又新鮮,有機會會再黎食過。