越味皇 (已結業)

諗住行去搭西鐵，行到荃灣路德圍附近，覺得肚餓😆見到'越味皇'所賣的是越式食品，還看到全日免收加一👍咁抵😁不如食埋嘢先返屋企啦😅入到餐廳，雖然餐廳唔算大，但裝飾都頗為別緻充滿越式風貌👍先叫過越式柚子沙律柚子酸酸甜甜好醒胃😋大蝦炸得香脆😍老虎蝦米紙卷， 米紙柔軟有彈性，包住米粉同埋大蝦，再醮上魚露，清爽好味😍椒鹽軟殼蟹， 味道香脆鮮甜，肉味極度濃郁，椒鹽味重。軟殼蟹特性可連殼食，超極方便，爽🤘食完椒鹽軟殼蟹，梗係要嘆番個又清涼又清甜嘅椰青啦，呢度椰青特別大個，仲好甜添噃😍好似仲有少少唔夠飽，於是就叫多個燒牛肉濱海 ，濱海係越南特色食品，其實係越南米粉， 壓扁佢，凍食，上面鋪咗炒得香香嘅蒜蓉牛肉 。將濱海，牛肉，放喺生菜上面，再醮上魚露 ，味道超正😋😋😋呢度真係食幾多，就畀幾多錢，一啲雜費都冇，仲唔使加一，真係慳唔少㗎😉仲有好多超值套餐👍