333
16
8
港鐵荃灣站 A1 出口, 步行約5分鐘 繼續閱讀
電話號碼
26132889
營業時間
今日營業
11:30 - 23:45
星期一至日
11:30 - 23:45
付款方式
現金 八達通
食評 (381)
等級4 2019-04-15
36 瀏覽
跟朋友再攞左假期下個月再去越南,但想飛嘅心情一早已經頂唔住。所以就食住先過下人口癮,知道荃灣路德圍一向都係美食集中地,就揀左呢度大吃一餐。招牌牛肉湯河。除左牛肉有啲過熟之外,味道都幾唔錯香料足,而且湯底入口甘香令淡味嘅河粉生色不少。牛肉好大塊同同入味,食嘅時候加上少少檸汁中和一下個咸度啱啱好。越式柚子鮮蝦沙律。新鮮柚子堆到山咁滿,正!甜酸汁唔會過辣,配上柚子嘅微微苦味,蝦肉爽口入味,連同柚子食好開胃。雜綿拼盤。份量好豐富,有蔗蝦/牛油雞翼/蒸粉粿/炸春卷。蔗蝦肉質結實香口,蝦味好濃又帶點甜味,幾好食。蒸粉粿嘅皮幾煙韌,調味唔錯。不過牛油雞翼及春卷就油膩咗少少,味道唔算有突出。越式豬頸肉飯。一定要轉做椰香飯底,因為個椰子味十分香,配上醬汁撈飯十分惹味。而豬頸肉好大塊同燒得香口,咸咸地配飯食一流。越式燒魚。用上䱽魚即時燒製,所以都等左一陣,但因為細微魚骨全無,所以可以大啖大啖咁食唔怕骾骨。魚肉偏結實但油香依然足夠,愛魚朋友不能錯過。越式滴漏凍咖啡。咖啡味香但唔會太苦,攪勻煉奶黎飲幾香滑,飲後一杯咖啡,消膩又醒神。正。椰青清甜又解暑,啱晒近排炎炎夏日。近近地唔使飛越南都食到正宗越腩味道,荃灣食街都算係咁啦。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-30
482 瀏覽
荃灣路德圍向來有很多小食店和大眾化的餐廳,以前住荃灣便經常到那邊尋找美食,現在搬到了另一區,卻很久沒有來這裡。路德圍在荃灣是人流密集的地方,店舖的租金當然也昂貴,所以那一帶的店舖常常因捱不住租金而搬遷或轉手,最近又一間新的越南餐廳進駐這裡,即管試試它的質素如何。套餐是餐廳常見的,畢竟相比散叫,套餐真的便宜得多,二人套餐也只是$198,每人$100左右。餐廳自己有推介的招牌菜,粉麵和小食的種類應有盡有,光是看照片已經覺得好吸引🤤看到了天花上一頂頂的帽子,令我想到了越南人很喜歡戴這種帽子,也許是因為當地天氣又熱又曬,所以當地人有這樣的習慣。另外又有一些簡單的裝飾,越南人喜歡踏的腳踏車,還有一些草作點綴。生牛肉湯河是半生熟,形態十分像吉野家的肥牛,肉質不太軟稔,倒是有點嚼勁,跟一般的生牛肉不一樣。湯河的數量十分多,配上越式濃湯,口感很豐富。很少在越南餐廳吃軟殼蟹,我甚至沒想到它竟然是越南菜,軟殼蟹被廚房切成四份,這樣看十分像鮑魚的形狀🤣不知是否放了一會兒的緣故,軟殼蟹變涼了,不太脆,但仍能保持原本的味道,充滿椒鹽味,也有很多蟹膏在裡面串燒是我每次到越南餐廳也必點的菜式,有蝦、豬和雞,我選擇了雞肉串燒。看樣子好像燒焦了似的,實際上卻不是這樣呀,燒的味道很明顯,雞肉結實,裡面的雞肉又嫩滑。牛油蒜蓉雞翼是這樣必點的菜式,有分4隻和8隻,我和朋友兩個人吃4隻就足夠了,牛油和蒜蓉味果然真的很香濃,只是略嫌脆炸的外皮油膩,會滴一點油出來,但整體來說都很不錯。眾多的菜色當中,我最喜歡的便是越式燒魚,各位要留意,這道菜製作需時,等候需要比其他菜式花更多的時間,看外型還以為外皮是脆的,原來並不是。外皮有濃郁的燒味,裏面的魚肉不腥,還很嫩滑,$88我覺得也不昂貴。來到越南餐廳又怎可以不喝椰青、珍多冰或椰汁冰等飲品呢?我和朋友也選擇了椰青。一般的椰青都比較淡,這裏的椰青則比一般的甜,但又不會甜得令人有膩的感覺,想不到椰青也可以這麼好喝😳 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-17
383 瀏覽
#食左元朗//去學校的路很久沒走最近也換了新的工作所有的追求 是不是缺少了什麼想像著生活 風平浪靜打開了窗戶 突然想起你在的世界 會不會很靠近水星//其實好耐無見D先生 而且都好耐無寫食評再寫 可能只係為左豐富一下生命今次就揀左間越南菜試下!~點解揀呢間呢?係因為呢間越南菜好近路德圍,一出地鐵行一陣就到,附近都頸多好野食,間間食晒我諗都要一定時間。價錢:平均一道菜都唔超過$50,月尾又唔想食得咁頹相信係幾好嘅選擇。環境:唔叫做好精緻,但位置尚算寬落,而且設計仲啲少少越南味道首先出埸嘅係豬頸肉朦粉($45):價錢同其他越南小店差唔多價錢,但呢間嘅豬頸肉好大份,所以好抵食下,雙拼都只係要加$5。而朦粉梗係要加魚露啦,凍冰冰好FRESH AH~蒜蓉牛油雞翼($45):係超推介!勁香牛油味之外,仲有好正嘅蒜蓉味,雞翼又好大隻。好味~仲要係有肉汁架~牛油果軟殼蟹米紙卷($62):米紙圈有米味,軟榖蟹即炸而且有膏,但再感多少少就完美,唔夠咸可以加下魚露既~。越式燒魚:魚應該係倉魚,由於係海魚所以無乜腥味。但好似得一隻魚揀,無得揀其他,但魚係有肉汁而且嫩滑既,但大條少少會更好。牛肉沙律($58):呢個比相像中貴,而且同我相象中嘅西式沙律唔同,係越南嘅味道啊~想地道下都可以試下飲品:梛青$20好抵飲,而牛油果特飲都好有牛油果味,兩個都可以一試。總結:路德圍大把野食,呢間越南菜都幾抵,淨係叫粉麵$50就得,而且質素不俗,可以一試。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-14
354 瀏覽
好耐無黎荃灣,尋日約左荃灣友黎到佢推薦越式餐廳. 估唔到weekday 夜晚都全場爆滿,睇完dinner set menu 知點解,因為價錢好抵二人餐$198,每人都係一舊水,包左個salad,同串燒或者春卷,同炸雞翼或者豬扒 同米紙卷 同埋兩碗粉麵飯配加飲品其實有影menu, 不過openrice 成日把圖壓縮到勁模,唔知大家睇唔睇到,所以寫比大家FYR. 其他仲有一人set 同4人set,比起散叫抵好多. 所以黎到按番人頭肚量直接睇set menu 都得架啦🤣飲品強力推薦加$20 試佢地椰青,好清甜!而且大大個椰青水份量都唔少. 另外試左佢地既牛油果沙冰,口感好滑唔會好膩,牛油果味唔算好重,甜度都剛好,我覺得都okay,不過都係喜歡椰青多d串燒都唔錯,雞同牛肉串燒中雞肉肉質會比較滑. 蕃茄蟹粉反而無咩特別,蕃茄湯唔夠濃,亦無蟹膏蛋餅,檬粉有點碎. 所幸無咩味精,飲完蕃茄湯亦唔會好口渴,檬粉口感都ok,唔會太腍燒魚真係好好食,個人覺得必試. 魚燒得剛好,魚肉嫩而加上辣椒碎令佢有香辣味道,配上一邊特調甜酸sauce 真係好好食米紙卷其實餡料比較少,有舊中間無餡. 但菜包上米粉點上sauce 幾fresh. 如果order 個人覺得skip 軟殼蟹.炸蝦餅,其實更似係煎,都幾彈牙. 而炸春卷炸得香脆,中間餡有多種菜料,因為都有點油膩所以一邊有疊得高高生菜,建議再拌上佢地一邊伴蘿蔔絲沙津,酸酸辣辣好fresh牛油雞翼係呢度推薦菜色之一,炸得香脆,炸粉雖然都偏厚,炸時間唔會過耐所以唔會乾硬(之前食過某家牛油雞翼就是這樣伏). 而最欣賞係佢切左滿滿蒜片於上,食落加左香蒜風味味道就更豐富而無咁膩. 食完記得飲番啖水先好講野啦豬排法包,個人蠻喜歡食越式法包,不過呢度法包唔係好夠厚,而牛油味頗重. 豬扒較薄,還可以啦. 個人覺得加點酸辣蘿蔔絲味道會較好,不過可能試其他菜色更好整體野食都唔錯,而且價錢唔算貴,幾抵食 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-04
437 瀏覽
好耐冇黎荃灣食飯啦,今次友人帶我黎試呢間佢話好食又抵食既越南菜!我們晚上9點黎到還是座無虛席,看看餐牌,見佢2人餐其實都真係幾抵食,但因為想試其他野食,所以就冇揀到!越式串燒雙拼($88),這個串燒有雞肉同牛肉,兩者都燒得香口之餘還能鎖住肉汁,配有花生味較出的沙嗲醬更為惹味!蝦頭膏炒芥蘭($58),是店員推薦我們試的!完全冇諗過咁好食!芥蘭有淡淡的蝦膏味,蒜蓉味都幾濃,食落去完全唔覺有芥蘭的苦味!咖哩牛腩煲配蒜蓉包($78),這裡的咖哩牛腩,可揀配飯或蒜蓉包,我們揀配包,蒜蓉包脆口,牛腩炆得好淋!越式鳳爪沙律($58),鳳爪份量都幾多,唔會太辣,好開胃!越式燒魚($88),這裡的燒魚跟平時食的有少許分別,這裡的燒魚會塗上燒魷魚既醬汁,魚肉有香茅的味道,再加上酸汁提鮮,更能特顯魚的味道!越式牛油果沙冰($22),呢杯飲品其實都幾飽,因為係牛油果!牛油果味唔係好濃,但夠哂冰凍!總括黎講,食物價錢唔算好貴,份量唔會太少,而且食物質素都唔錯,會再黎! 繼續閱讀
(以上食評乃用戶個人意見 , 並不代表OpenRice之觀點。)