Fûhn (The L. Square) (已結業)

朋友同我都係同一個月生日，佢好鍾意食越南嘢，所以就同佢去咗呢間越南餐廳當慶祝，好多嘢都好想試好想食，睇咗餐牌好耐，最後我哋揀咗新鮮製作嘅鮮蝦米紙卷，米紙卷嘅皮有好清淡的味道，外表精瑩剔透，有咬口，裡面嘅生菜紅蘿蔔絲等都好新鮮爽脆，一隻好大嘅蝦，蝦肉彈牙，加上有米條，咬一口都好多層次，好新鮮同好好味道啊！另外我哋揀咗一碗大嘅特式牛湯金邊粉，一碗金邊粉有齊生熟牛肉、手打牛丸、牛坑腩片、牛筋片、牛腩邊同牛柏葉，真係好滿足，可以食到咁多牛嘅不同部位，牛丸爽牙，牛筋片牛腩邊牛柏葉都好爽口，牛肉嘅材料新鮮，所以碗湯金邊粉都好鮮甜，每一啖都係牛肉嘅鮮味👍🏻最後呢個真係好有驚喜，真係好好味，我同朋友一路食不時都會話真係好好味，哈哈，就係特上小食拼盤啦，可以一盤就滿足晒我哋樣樣都想食嘅慾望，一碟就有齊春卷、炸牛油雞翼、手打蝦餅、炸扎肉、扎肉串、椒鹽軟殼蟹，春卷好酥脆，扎肉好有甜味炸得好好，手打蝦餅好彈牙，而且啖啖都係蝦肉，成個蝦餅好多蝦肉，真係好足料，軟殼蟹當然都係冇得頂！！！呢餐食得好滿足好開，的確冇令我同朋友失望。得閒再嚟食過！