金滿都越南餐廳 (已結業)

知道呢間金滿都喺其他地區都有開分店，食過都唔錯，所以今次係長沙灣都係約返朋友去食呢間越南菜，最抵食嘅係唔使加一，我哋兩個人食到勁飽都係唔使＄300買單，真係算抵食。生熟牛肉湯河$41以呢個價錢來講都幾抵食，份量都幾大，個湯底清甜，牛肉分量多係有少許鞋口，金邊粉質素咁不錯，吸晒啲湯汁好好味。火車頭湯河＄51配料好多，有牛丸，牛柏葉，同埋生熟牛肉，牛丸爽口彈牙，牛肉片牛味重。泰式鳳爪＄23套餐加嘅小菜，辣味剛剛好，啱晒夏天食。海蜇扎肉雞絲＄23呢個好開胃，海蜇煙煙unun,食落去個味道好似冷麵嘅醬汁。蝦餅＄58呢一款係薄身炸蝦餅，蝦肉幾彈牙，剛剛炸起，熱食就最好食。越式併盤$75有豬扒，雞翼，蔗蝦，春卷，個人就最鍾意豬扒，整得好入味，都幾大塊而且唔鞋口，春卷好脆口，亦都唔會油膩。芒果玉露凍味道甜左少少，入邊配上椰果，可能太甜嘅關係，最後朋友都飲唔晒。榴槤沙冰榴槤混合冰塊打出嚟，有淡淡的榴槤味，啱晒我呢個榴槤迷飲。