影片
更多
2023-06-12
1152 瀏覽
最近想食一啲越南菜，朋友就話荃灣有一間有好多唔同嘅款式，佢有個二人餐性價比好高，就帶埋我去試吓。一入到去都好多越南嘅裝飾，好似入咗越南嘅小店一樣，入座後見到是拉差辣椒醬，証明夠越南！見到其他客人都係呀二人套餐，計返其實都真係好抵食仲有兩碗麵亦都有小食，同埋有飲品，所以我哋都跟住嗌！我叫咗個蕃茄椰汁蟹膏湯檬粉，一上菜已經聞到好大香口蟹味，先飲個湯好濃郁嘅蟹膏味道，相對上蕃茄嘅味道呢就冇咁濃，飲落去係好順口，唔會話越飲越口乾，上面有蕃茄，丸，扎肉豆卜等等。我最鍾意就係豆卜，因為可以吸收晒蕃茄蟹膏嘅鮮味，食落去啲蕃茄蟹湯爆汁出嚟，麵條嘅軟硬度適中，照樣可以吸收晒湯嘅味道，怕油膩嘅可以食佢嘅洋蔥，爽口之下再配上佢嘅蛋餅又係一絕。我覺得個湯真係精粹，所以都差唔多成碗飲晒！生牛肉檬粉份量充足，超級大碗，同時都非常足料，尤其牛肉都好多塊。味道方面，相信湯底用咗大量牛肉同埋牛骨，以及香料熬製，肉味及香料味道香濃，甚至有少少中藥材嘅味道，濃郁嘅湯底就似前南越嘅風格。牛肉亦有一定厚度，上碟時半生熟，肉質鮮嫩多汁，香氣撲鼻。小食方面，佢可以有五選三，因為唔食得辣，所以就揀咗唔辣嘅嗰三樣，每一款都有三舊，兩個
一入到去都好多越南嘅裝飾，好似入咗越南嘅小店一樣，入座後見到是拉差辣椒醬，証明夠越南！見到其他客人都係呀二人套餐，計返其實都真係好抵食仲有兩碗麵亦都有小食，同埋有飲品，所以我哋都跟住嗌！
我叫咗個蕃茄椰汁蟹膏湯檬粉，一上菜已經聞到好大香口蟹味，先飲個湯好濃郁嘅蟹膏味道，相對上蕃茄嘅味道呢就冇咁濃，飲落去係好順口，唔會話越飲越口乾，上面有蕃茄，丸，扎肉豆卜等等。我最鍾意就係豆卜，因為可以吸收晒蕃茄蟹膏嘅鮮味，食落去啲蕃茄蟹湯爆汁出嚟，麵條嘅軟硬度適中，照樣可以吸收晒湯嘅味道，怕油膩嘅可以食佢嘅洋蔥，爽口之下再配上佢嘅蛋餅又係一絕。我覺得個湯真係精粹，所以都差唔多成碗飲晒！
生牛肉檬粉份量充足，超級大碗，同時都非常足料，尤其牛肉都好多塊。味道方面，相信湯底用咗大量牛肉同埋牛骨，以及香料熬製，肉味及香料味道香濃，甚至有少少中藥材嘅味道，濃郁嘅湯底就似前南越嘅風格。牛肉亦有一定厚度，上碟時半生熟，肉質鮮嫩多汁，香氣撲鼻。
小食方面，佢可以有五選三，因為唔食得辣，所以就揀咗唔辣嘅嗰三樣，每一款都有三舊，兩個人食完之後仲可以食多舊。
扎肉厚薄適中，肉味清香，味道同火腿相似，食到佢中間嗰啲配料，口感彈牙有咬口。三隻雞翼都煎至金黃色，食相吸引。味道有驚喜，蒜香味啱啱好，非常入味。同時外脆內軟，外皮同時亦唔會太油膩，雞肉嫩滑有肉汁。越式春卷就同平時去酒樓嘅春卷皮唔同，內裏有蘿蔔絲同扎肉。味道方面，外皮炸得香脆，同時非常薄，取而代之就食到餡料。餡料緊實，當中嘅蘿蔔絲青甜，同時有好香嘅魚露味。同埋佢哋係即刻上菜，所以夠晒熱。
另外就加咗一份越式豬肉串燒，有4條，每條大小平均。豬肉串味道及口感同平時嘅豬肉串燒有啲唔同，口感軟嫩，有種食香腸嘅口感，但係有好重嘅豬肉鮮味，同時外脆內軟。加上味道除咗有豬油嘅香之外，亦有少量魚露嘅香味，啖啖肉有肉汁，緊實彈牙。
飲品本身已經包埋，但係想試吓佢嘅牛油果沙冰，所以就加多左$20。飲落去非常順滑，亦都覺得好健康。飲落去仲有一層椰汁嘅味道，每一啖都覺得佢係非常濃郁，亦都非常夠凍冰冰，唔會話飲到最後嘅時候已經變咗做水。龍眼冰大大杯，味道清爽微甜，龍眼味濃。內裏仲有幾粒龍眼肉，食落去覺得係新鮮，同平時罐頭嘅好唔同，外表晶瑩剔透，味道濃醇，感覺滋潤。
見到佢下午茶套餐其實都唔錯，下次都可以再試吓！
張貼
