Fûhn (The L. Square) (已結業)

有時口痕想食越南湯麵，都覺得好似唔夠正宗咁，同事就介紹我黎呢間啦！餐廳位置方便，店面好闊落，環境都幾有越南風味！呢度既選擇非常多，招牌係生牛肉牛腩邊湯粉，湯底非常濃，生牛肉好嫩，河粉好滑，吸到湯汁既味道呢！另外我地仲叫左個小食拼盤，裡面有越式牛油雞翼、手打蝦餅、春卷！雞翼面頭有炸蒜，所以好香口惹味，手打既蝦餅非常彈牙，蝦肉新鮮！春卷內裡包左新鮮既菜，可以解油膩！好清新飲品我叫左杯咖啡沙冰，雖然係沙冰 但咖啡味仍然好濃郁，唔會淡左，沙冰都好柔滑唔會好多冰粒！呢度無令我失望，以後想食越南粉就可以黎呢度啦！