更多
2018-01-30
259 瀏覽
成日見到好多同事黎呢間打卡,我都趁熱鬧試一試;睇雜誌見過呢間野個老闆突登去越南拜師,想將越南好味道帶到香港!好多人排隊下,都等左15分鐘;鋪頭陳返好特別,用越南街頭既銀色枱凳,入面仲放左架賣'餅Mi'(越式法包)既車!好用心。叫左兩碗越南河,一碗海鮮一碗雞肉,熱辣辣好快食哂唔記得影相!味道好鮮甜,真係有身在胡志明既感覺!加多個'Bahn Mi',個法包極硬戒到我個咀損哂,同我第一次食越式法包果陣一模一樣🤣🤣價錢係偏貴,百二蚊一個人上下,但呢個地段+呢種味道,偶一為之亦為幸福!
張貼