小越廚

營業中

休息中

好耐冇食越南嘢，見到 #小越廚 出面個餐牌價錢都好平，於是就入去食。我哋兩母子食咗蟹膏湯檬粉，泰式椰汁雞肉湯河粉，春捲拼蝦餅，香茅斑蘭水。蟹膏湯檬粉，湯底係香濃鮮甜嘅海鮮蟹膏湯，餸有豬紅、豆卜、蕃茄、越式扎肉、蟹膏炒蛋，仲有好多金不換葉，味道層次感好豐富，蟹膏超濃喺好鮮甜好有特色。泰式椰汁雞肉湯河粉，味道好有椰汁清香又溫和，雞肉嫩滑又有雞味，有好多金不換葉，大人同小朋友都啱食。春捲同蝦餅，都炸得好香口，而且唔喺好油膩，點越南醬汁好好食，夠曬越式風味，同我去越南蜆港旅行時食到嘅味道一模一樣。