Burgeroom (美麗華廣場1期) (已結業)

朋友剛從美國回來，特別喜歡食漢堡包。所以，今日我就帶左我朋友去尖沙咀美麗華商場二樓，幫襯呢間Burgeroom。一望到門口，就感覺到勁cool嘅工業風嘅裝修。將一個個車輪疊起來，造成一片屏風，分開兩個區域。十分型格。我同朋友選了位置，便坐下了。看一看菜單，就點了兩個漢堡飽。你亦可加30元，就可以有直薯條和飲品，價錢可謂非常公道。如果你鐘意食漢堡包，我一定會叫你嚟呢間餐廳試一下。因為呢度真係有各式各樣嘅漢堡包，任君選擇，主打有海鮮，牛肉，雞肉，你亦可配以好多不同蔬菜。唔夠，仲可以按自己喜好，加錢選喜歡配料，做出一個你認為最美味的漢堡包。食材選擇，自由度非常高。鵝肝鱈魚漢堡包，有蔬菜沙律伴碟，鵝肝美味，入口即溶，鱈魚亦炸得香脆。菠蘿煙肉牛肉漢堡包，食落都十分美味。總括而言，我同我朋友對今餐都非常滿意。