燒魂 (已結業)

作為牛魔王，不得強烈推介一下《燒魂一》，絕對係近年食過，質素奇高既燒肉放題，無論環境，食物質素，上餐速度及準確，以致服務，都係一流水準。坐位寬敞舒適，地板乾爽無油林林感覺，抽風系統完善。位枱有2個沙漏，分別1分鐘及3分鐘，比你燒肉計時用，應該有人會心諗智能電話仲方便，不過我覺得食店有呢D小心思都值得欣賞。急不及待開始劃餐紙啦，選擇好豐富，有刺身，壽司，唐揚，湯等等，當然唔會少得肉目標明確既我，一口氣點左好多好多牛上枱一刻，我懷疑緊自己既眼睛，呢個質素既牛，真係任食架即燒無誤! 牛肉香味四溢，完全唔會黐網，可想而知油份係幾咁充沛。好快已經可以食啦，和牛片牛味頗濃，非常稔滑。熊本一口和牛更加係不得了，入口油脂勁豐富，牛味濃郁牛肉會有唔同既調味，建議大家分開落單，擺碟會靚D，而且有一個細牌仔話你知係咩橘子麵醬必試，咸咸甜甜，仲有一陣橘子既清新豬都值得推介，厚切的五花腩，豬皮層好爽口，瘦肉又好鬆化猛火燒到脆身，幾種口感同時品嘗。呢個牛骨湯我自己好鐘意，雖然較油，不過蘿蔔味同牛肉味都幾突出。蜆好新鮮，睇住佢卜卜卜咁開殼，蜆肉厚大，而且無沙雞亦好體貼咁剪成單骨，方便燒熟宮城蠔好大隻，不過我本身唔食