影片
更多
2019-06-06
82 瀏覽
有個老死特登叫我入去元朗陪佢打邊爐，仲話178就可以任打肥牛邊爐，我心諗，我樓下好似仲平過佢喎，點解要無啦啦去元朗咁隔涉呢。不過都唔緊要啦，抱住捨命陪君子嘅心態，就一於去元朗試下。據聞這間餐廳本身係間西餐廳嚟嘅，而家轉咗型夜晚打火鍋，仲要係放題嚟嘅，噉就唔同講法喇。第一個意外嘅點就係佢既熱食，老實講，我本身都對火鍋以外嘅熱食冇乜期望，加上佢得幾個熱食架，但第一輪佢嘅豬手同烤雞都係做得唔錯嘅。特別嘅係，熱食係會不斷refill新款，再出去睇嗰時候竟然有乾蒸鮑魚，茄汁蝦，蒸魚等等，真係估佢唔到喎。呢幾樣同樣質素都有返咁上下，加加埋埋都係十款，真係估佢唔到火鍋嚟到喇，我哋揀咗壽喜燒同埋沙爹湯底，壽喜燒都好足料嘅，而且味道好濃偏甜，沙爹湯係就微辣，都幾野味。到主角肥牛喇，同樣地我對任食嘅肥牛都係有啲保留，不過呢度畀嘅肥牛又真係唔錯喎，白色肥肉部分又真係唔係太多，豚肉既質素都有返咁上下嘅。自取區有一部分係丸類嘅。同樣地，我都係心諗佢會交啲行貨俾我哋，點知又唔係喎，有啲丸係好特別嘅，真係未見過，例如係冬陰功丸同埋雞茸丸等等。同埋仲有海鮮，記得記得訂位就有海鮮拼盤，自助區都有海鮮嘅，質素當然係冇訂位
有個老死特登叫我入去元朗陪佢打邊爐，仲話178就可以任打肥牛邊爐，我心諗，我樓下好似仲平過佢喎，點解要無啦啦去元朗咁隔涉呢。不過都唔緊要啦，抱住捨命陪君子嘅心態，就一於去元朗試下。
據聞這間餐廳本身係間西餐廳嚟嘅，而家轉咗型夜晚打火鍋，仲要係放題嚟嘅，噉就唔同講法喇。
第一個意外嘅點就係佢既熱食，老實講，我本身都對火鍋以外嘅熱食冇乜期望，加上佢得幾個熱食架，但第一輪佢嘅豬手同烤雞都係做得唔錯嘅。特別嘅係，熱食係會不斷refill新款，再出去睇嗰時候竟然有乾蒸鮑魚，茄汁蝦，蒸魚等等，真係估佢唔到喎。呢幾樣同樣質素都有返咁上下，加加埋埋都係十款，真係估佢唔到
火鍋嚟到喇，我哋揀咗壽喜燒同埋沙爹湯底，壽喜燒都好足料嘅，而且味道好濃偏甜，沙爹湯係就微辣，都幾野味。
到主角肥牛喇，同樣地我對任食嘅肥牛都係有啲保留，不過呢度畀嘅肥牛又真係唔錯喎，白色肥肉部分又真係唔係太多，豚肉既質素都有返咁上下嘅。
自取區有一部分係丸類嘅。同樣地，我都係心諗佢會交啲行貨俾我哋，點知又唔係喎，有啲丸係好特別嘅，真係未見過，例如係冬陰功丸同埋雞茸丸等等。
同埋仲有海鮮，記得記得訂位就有海鮮拼盤，自助區都有海鮮嘅，質素當然係冇訂位嘅拼盤咁靚仔啦。
同樣地汽水任飲，亦都有甜品櫃，雖然質素麻麻地，但呢個價錢做到有甜品都算唔錯架喇，仲有雪糕櫃添。
總結，十分有誠意嘅一個火鍋問題，真係不惜工本，加上環境又坐得舒服，加埋一都唔使200蚊，真係冇乜可以挑剔。
張貼
