影片
更多
2021-11-21
72 瀏覽
灣仔一向都多寫字樓，今日約咗個喺呢邊返工嘅朋友，佢話呢間餐廳係佢同事介紹，因為呢度有三間獨立而空間大的VIP房，好適合傾商務生意，所以佢同事之前喺呢度食過，就介紹佢嚟食。呢間雖然係韓燒，但同時都係韓式扒房。呢度本身都有套餐($420)，唔使煩惱，就叫一人一個套餐，呢間韓燒真係好高質，首先係嘢食好好味，而且佢每一件肉都會有職員幫手燒，服務真係一流。首先講下韓式前菜，非常豐富，另外會有沙律，蝦非常爽口，而且保留到蝦嘅鮮甜味，另外想講牛油果真係非常好味，軟熟程度適中，亦都好甜。另外有個小食可以自己揀，我哋就揀咗韓式豬手，豬手有五件，燘得非常腍，而且充滿肉味，個皮亦都非常香口。之後主角出場喇！就係Steak Omakase：和牛羽下肉：擺咗個心型非常吸睛，而且亦都好好味，和牛油脂非常香口，亦都好柔軟角切和牛：非常高質，油脂感相對冇咁重，不過牛味非常豐富熟成醬油牛肋肉：呢個廚師本身已經砌到一條條但又唔會切斷，職員話咁樣切會有助入味，同埋食客可以容易啲食，我哋食完之後都真係覺得非常入味，醬油非常香口，而且夠曬腍，呢個砌法好花心思，值得一讚韓國五花肉：包生菜最適合，充滿肉味，燒得好香口 ，一啲都唔會
呢度本身都有套餐($420)，唔使煩惱，就叫一人一個套餐，呢間韓燒真係好高質，首先係嘢食好好味，而且佢每一件肉都會有職員幫手燒，服務真係一流。
首先講下韓式前菜，非常豐富，另外會有沙律，蝦非常爽口，而且保留到蝦嘅鮮甜味，另外想講牛油果真係非常好味，軟熟程度適中，亦都好甜。另外有個小食可以自己揀，我哋就揀咗韓式豬手，豬手有五件，燘得非常腍，而且充滿肉味，個皮亦都非常香口。
之後主角出場喇！就係Steak Omakase：
和牛羽下肉：擺咗個心型非常吸睛，而且亦都好好味，和牛油脂非常香口，亦都好柔軟
角切和牛：非常高質，油脂感相對冇咁重，不過牛味非常豐富
熟成醬油牛肋肉：呢個廚師本身已經砌到一條條但又唔會切斷，職員話咁樣切會有助入味，同埋食客可以容易啲食，我哋食完之後都真係覺得非常入味，醬油非常香口，而且夠曬腍，呢個砌法好花心思，值得一讚
韓國五花肉：包生菜最適合，充滿肉味，燒得好香口 ，一啲都唔會覺得油膩
之前睇過介紹，呢間餐廳係用28-45日熟成牛肉，餐廳本身有熟成櫃，而且係自行調整及跟進熟成程序，所以每件肉的味道都係獨一無二，真係非常特別，而且我呢位朋友對熟成牛好有興趣，上年生日我都同佢食熟食牛，而佢對呢間餐廳都非常滿意。
朋友話都想食下海鮮，所以我哋就加咗個韓國鰻魚($380)，估唔到條鰻魚好大條，呢個職員都會幫手燒，首先用檸檬查喺個網上面，之後再放條鰻魚落去燒，第一次食即燒鰻魚，職員燒到個皮非常脆口，真係好滋味，而且鰻魚肉質都夠爽口，非常高質。
之後有泡菜湯，職員話係可以畀我哋清一清味蕾，另外亦都會有第二輪韓國小食提供。
之後就到大醬湯配飯，呢個湯非常濃味，而且裏面亦都有牛肉，牛肉好腍身，呢個非常高質。我就叫咗個平壤冷麵，另外係會配咗芥末醬，味道非常豐富，而且麵質彈牙，如果女仔想食清清地或者份量少啲，食呢個麵就啱曬啦。
雖然已經好飽，不過朋友話想食甜品，咁我哋就嗌咗兩款嚟試，我哋嗌咗原味芝士蛋糕($72)，原本想叫埋Tiramisu，不過職員話已經冇曬，佢就提議我哋食士多啤梨芝士蛋糕($72)，本來我都好擔心兩款味道會好相同，不過職員話士多啤梨芝士蛋糕個造型有士多啤梨好靚，所以我就唔使諗啦就，叫呢款啦 ，結果原來個蛋糕真係好靚，真係啱曬女仔食，而且佢嘅芝士相對好輕型，就算飽都食得落，真係好適合女仔，而且唔需要擔心同原味芝士蛋糕好似，因為個做法同芝士質感係完全唔同，原味芝士蛋糕的芝士味都豐富，同埋蛋糕都大件，都好抵食。
講完食物就講下飲品，我叫左提子梳打($48)，提子味好豐富，亦都夠甜，朋友叫的苿莉花水果茶($50)好有驚喜，唔止個造型靚，有士多啤梨同荔枝，味道好清香，飲完仲可以添加熱水。
呢間韓燒真係好高質，絕對會推介朋友嚟食，順便講一講，呢度職員服務態度都好好，特別係幫我哋燒肉嗰位女職員，笑容非常好，亦都好健談，真係要讚下佢。
朋友食完都話佢同事冇介紹錯，我地都一樣覺得呢間餐廳非常適合推薦朋友黎食。因為真係好高質，食完過左幾日都仲回味緊。
張貼
