醬缸韓國料理

營業中

休息中

🍴醬缸韓國料理 @佐敦🍴最近醬缸韓國料理推出左醬油蟹、醬油蝦任食放題，即刻去左試下先！醬缸係區內有13年歷史嘅老字號，餐廳裝修有格調，仲有獨立房間，啱晒一班朋友或者家庭聚餐。最正係前菜可以無限追加，食極都唔怕唔夠喉，依家仲做緊酒精飲品買一送一。🔴醬油蟹醬缸嘅醬油蟹全部都係自家醃製，老闆每日清晨6點就返餐廳親自準備，誠意十足❣️。醬油蟹真係超新鮮😋，蟹膏多到流晒，入口又甜又鮮，完全冇腥味。配埋紫菜飯一齊食，麻油香超突出，蟹膏撈飯真係一流👍🏻！🟡前菜前菜方面有泡菜、海帶、薯仔條，全部都可以無限追加，泡菜酸辣開胃，薯仔條香甜，海帶爽口。🟢炒年糕 炒粉絲熱食方面，炒年糕煙韌彈牙，炒粉絲吸晒醬汁精華😋，每條都好入味。🟤辣醬蟹辣醬蟹第一次食，辣得嚟好惹味🔥，啖啖肉好過癮。🔴泡菜餅泡菜餅有驚喜，外層煎到超脆，咬落去香口又唔油膩。🟠小花蟹湯小花蟹湯更加唔可以錯過，湯底超級鮮甜😋👍🏻，入面仲有隻花蟹仔，飲完一碗忍唔住再添多碗。