湯煲私房火鍋 (已結業)

呢間喺上環嘅火鍋店非常用心，從湯底、醬汁到食材都做得好好。打開餐牌，見到都有好多選擇。湯底方面，呢度有11款湯底可以選擇，我哋今次揀咗滋陰花膠雞煲，湯底好足料，有雞肉、花膠、同埋其他藥材例如紅棗同埋杞子等，非常養生。火鍋料方面，我哋點咗頂級本地手切騸牯牛，牛肉切薄片，有好靚嘅紋路，放入湯底淥一陣就食得，肉味香濃。仲有即炸既響鈴，非常酥脆，可以唔使煮就咁食。呢度嘅手打丸用新鮮海鮮製成，今次點咗手打墨魚丸同埋竹笙帶子丸，超高質。