樂酒場 がくさかば

營業中

休息中

一直都覺得呢間餐廳好靚，但係一直以為佢裝修好靚，價錢會好貴，今日咁啱同朋友嚟食，咁就一於嚟試吓啦。之後認真睇咗Menu，原來呢度嘅價錢一啲都唔貴，而且除咗價錢唔貴之外，佢嘅環境都好好，好適合聚會或者一大班朋友食飯。呢間餐廳位於2樓，但係佢地下門口嗰度已經好靚好有氣氛，好多霓虹燈牌可以打卡。呢度嘅座位普通枱同埋榻榻米座位，我哋就梗係揀榻榻米啦。估唔到咁靚嘅居酒屋價錢都咁平，我哋叫咗好多食物但係都唔使$1000。我自己最推薦呢個三文魚層層碟，職員仲會喺你面前用火槍燒，非常適合打卡。佢嘅牛肉火鍋真係好出色，牛肉食落好新鮮，而且好有牛味，湯底係日式醬油湯，食落唔會太滯之餘又好開胃。另外佢嘅串燒都好出色，推薦呢個燒雞翼，非常大隻，而且調味做得好好，雞肉都好嫩滑。呢間居酒屋又平又抵食，而且好有日本超和風嘅感覺，樓上仲有好多唔同嘅霓虹燈，好適合打卡，我諗所有女仔都會鍾意。非常推薦。大家情侶或者一班朋友嚟試吓啊。