Jazz Bird (已結業)

最近發現佐敦文英街開左一間善心小店「Jazz Bird」，門口見到有咖啡提供，應該係一間小cafe但再細心望下原來內有乾坤😲竟然有低碳、生酮、素食選擇。星期六我地大約中午12:00左右到達，甫坐下就細心提供清水比我地降溫😂老闆（我估）細心介紹餐牌，講解一下佢地既特色菜單，喺餐牌後面發現佢地有介紹餐廳理念，原來餐廳營運收入係全部去幫忙弱勢社群，仲會循環採購及運送物資幫助有需要既家庭😱真係好有意義前菜小食：蟹餅沙律(唔記得價錢）這個係餐廳推薦既小食，事源另一半對蟹係有敏感，所以我地比較少點關於蟹既食物😅老闆話這個係素蟹餅，立即就有興趣了，一客有6件，炸得脆脆口感都不錯，真的似蟹肉餅🦀配有車厘茄同新鮮沙律菜，yummy !Fish N Chips 純素新炸魚柳$68一份有二件炸魚柳，使用高級82%奧米加-9靚油去炸配埋熱辣辣既炸薯條真係一個唔錯既小食Double 足三両素肉堡$140上枱真係嚇一嚇🤪好巨型呀！兩塊厚厚素肉漢堡扒好突出😂中間有菠蘿、蕃茄、紫洋蔥、芝士同沙律菜加美容醬（純素人士記得走醬），成個包豐富到不得了，所有材料都好新鮮無論味道同口感都一絕😍仲配有大大條既薯條，真係相當滿足！