滾爺火鍋 (上海街)

營業中

休息中

同朋友慶生，突然撩起條筋好來打邊爐，加上落雨凍凍哋，真係天時地利人和湯底揀左鴛鴦鍋，麻辣拼沙爹，麻辣小辣岩晒又唔會話愈煮愈辣。而沙爹有好香花生味，而且仲甜甜地~美國安格斯板眼牛味濃郁，雪花紋分佈得好靚，食落入口即溶。麻辣火鍋就一定唔可以唔食鴨血，呢度既鴨血非常嫩。而家仲叫左老油條同即炸支竹，用來打邊爐嗦湯一流吖。芝士牛丸同澳洲牛筋丸一定不能錯過，前者一咬開，勁濃郁既芝士流出，好吸晴亦好美味。而後者加埋牛筋一齊打，好爽口，亦好juicy, 牛味勁香。自家手包韭菜餃子啖啖肉，但食落都有好香韭菜味。娃娃菜十分清甜。最後既主食就叫紅薯粉及白滑急凍米線，紅薯粉配麻辣湯，米線配沙爹湯，2款主食配唔同湯底，食出唔同風味。