Honbo (已結業)

今日又要去荃灣做嘢啦， 放工慢慢行返去荃灣站， 行行下路過南豐紗廠， 活化得你都幾得意， 上面仲有幾多唔同嘅餐廳， 又有啲文青喺度影下相。 於是我都跟埋去行下睇下有咩食。想到頂樓呢度有一間食burger嘅好似幾得， 於是就試吓 裝修簡潔硬朗， 幾優美式嘅感覺。店員服務都會有禮貌， 所有漢堡都可以升級做餐， 加十蚊就可以有薯波， 或者係薯條， 都幾抵食。 特別推介薯波個味道幾好。我哋叫咗一個cheeseburger， 牛肉有好多牛汁， medium咁熟， 入面仲好淋，紅紅地， 食落好滑， 牛肉嘅面頭已經煎脆咗， 火力調控幾唔錯 朋友叫咗喺度嘅招牌honbo. 有成兩塊牛肉咁多， 如果你係食肉獸仲可以加碼， 加夠四塊， 下次超肚餓嘅時候可以試下。食burger當然唔少得要加啤酒， 一人加杯asahi， 成個晚餐即刻升級咗， 如果唔飲啤酒嘅都可以加大支汽水。食完仲可以出去花園嗰度行一行， 消化下， 感覺好一流。