TOSS 蘇媽.蘇媽

營業中

休息中

呢間餐廳之前朋友已經推介過，咁岩去完購物節掃貨，就黎試下。天氣寒冷，叫左招牌肉骨茶套餐，仲跟埋白飯，油炸鬼同油菜。一上枱已經俾個分量嚇親，2個人應該都好夠食。個湯超足料，有3條一字骨，有數粒厚身冬菇、枝竹、豆卜等等。湯頭飲落去有淡淡的藥材味，味道舒服香濃。飲左幾口肉骨茶，渾身暖笠笠。排骨煲到軟稔又鮮美，配上蒜泥和醬油膏，又是另一種食法。油炸鬼脆卜卜，索左湯之後更滋味。另外跟餐叫左杯三色奶茶，奶茶夠柔滑，用上椰糖和香料茶，同平時港式的比起，又是另一種風味。今餐真係超滿足，下次試埋其他招牌菜先。