黑門水產すいさん (棉登徑)

自從開咗關之後身邊不斷有朋友去日本，去唔到旅行嘅我羨慕到不得了，但估唔到原來喺香港都可以食到好地道嘅日本味！首先叫左個極上大漁貝燒同黑門令蟹味噌甲羅燒，想講係好食到不！得！了！😍海鮮新鮮，大大隻嘅蠔同扇貝，加上三文魚籽同一堆海膽，簡直係鮮味大爆發！另外個甲羅燒非常特別，一堆嘅蟹膏蟹肉蟹籽都不在話下，最特別嘅係佢會配上一塊紫菜味梳打餅同炸蒜配埋一齊食，真係世界級，必點！見佢啲燒物咁正，即刻追加一個龍蝦湯煮海鮮，完全冇失望，龍蝦加上海鮮，最後就係成碗飲晒一滴都無剩🤤然後再叫咗個明太子炒飯同野菜天婦羅，前者香口惹味，鑊氣十足，後者外脆內軟，加上秘製醬汁，又係必叫之選🤤最後叫埋店員推介嘅神奈川針魚，店員話係本日推介，咁當然要一試啦，雖然已經食到好飽，但係刺身真係超新鮮，加上佢嘅特製醬汁，最後都係清晒😂😂真係要大大力推呢間餐廳！