金寶海鮮酒家 (已結業)

一坐低個女侍應就介紹海蝦， ＄25一両，佢話十両我哋就夠食。我哋一共四個人，成＄250一碟蝦，嚟到得十四五隻，仲要唔係好新鮮，淨係呢碟蝦已經比佢掠到一頸血，一隻蝦十幾廿蚊，一啲都唔值，又細隻又霉，賺死佢。我哋仲叫咗碟咕嚕肉，全部都係炸粉，一件大舊啲嘅肉都搵唔到。咁樣做生意都做到10幾年仲要坐滿人，全靠嗰啲水魚街坊撐佢，全場最好嘅就係一個＄88嘅雜菜粉絲煲。賣單＄680 ,冇得簽卡，張單嚟到乜都冇寫，我要求佢計俾我睇，雖然佢冇計錯，但係嗰碟＄250嘅屈機蝦已經令我badlist佢。