泰贊- 創意泰餐廳 (已結業)

大泰式奶茶冰沙 ($58)評分：7.5/10.話時話明明見到佢寫要 $58，但堂食唔知點解平咗俾我收 $52其實我見大同細份量差咁遠但又只係掙$10嗌咗大，結果當然係飲得慢吞吞飲極都唔會飲得晒。但飲完包你暑氣即刻清晒～同埋好奇怪唔肯定係咪佢地啲冰唔太乾淨，飲完冇耐即刻就瀉。😅 其實如果想清吓腸胃不妨去試下呢杯神之特飲 😂 唔晒驚冇肚痛過但講番杯嘢嘅味道係幾有驚喜嘅(!!!) 😍 唔系求其沖杯正常奶茶沙冰 hea 你，有泰式奶茶個陣炭香味 (但一啲都唔怪，而且甜度好得宜👍 覺得佢唔係係度喪落糖水係真係有研究過材料比例嘅配方) 飲到底都唔會變淡。呢杯嘢呢個價錢有埋條雪糕俾你揀又真係幾有心嘅～😀 仲特登有三款夏日水果味嘅雪條俾客人選擇都幾多元化。椰子/榴槤/芒果梗有樣啱你口味 😙 不過就沖咗好耐 (??) 唔知點解落單之後等成差唔多4個字杯嘢先黎到。