台酒鍋 (已結業)

呢日經過旺角彌敦道，發現到呢間「台酒鍋」，又咁啱好想打邊爐，所以就決定即興台式火鍋🤣好彩時間尚早，所以唔算好多人，入面位置寬敞，坐得好舒適。當日我哋選擇咗lv3套餐，主打牛小排以及海鮮任食🤪湯底我哋選擇咗人蔘雞以及蕃茄😛用QR code落單後，就可以出去自助火鍋配料區啦🙌🏻火鍋配料種類都非常多，淨係蔬菜都有差唔多10款，丸類亦有一啲特別嘅款式，例如冬陰功蝦球、墨魚腸，應有盡有🥰返埋位就見到，頭先order嘅食物已經全部上枱啦🙌🏻美國Prime Grade 牛小排，見到表面嘅紋理好靚，油花均勻，放入去淥幾下就食得🥰口感Q彈，肉汁爆滿，唔乾柴，食完一塊又一塊，停唔到🤣海鮮亦非常豐富，巨大帆立貝貨真價實，就算淥熟之後，仍然係好大粒，非常新鮮，厚肉彈牙😛亦有小花枝、生蠔、沙白、深海魚柳，同樣好新鮮，冇雪藏味👍🏻呢到既主打必食，仲有手工蟹籽鮮蝦滑，以及手打黑松露花枝滑，兩款都鮮甜彈牙，有輕輕黑松露味道，令到整體味道都昇華咗😋仲有其他嘅配料，包括炸魚皮、響鈴，每逢火鍋都一定要order😋食完咁豐富嘅火鍋套餐，呢度嘅甜品仲有Movenpick雪糕任食😍畫下一個完美嘅句號🥰